BAKI, AzerVoice, Nailə Babazadə
Sındırgıda baş verən zəlzələdən sonra aparılan zərər müəyyənləşdirmə işləri başa çatıb. Ümumilikdə 607-si yaşayış evi, 93-ü isə iş yeri olmaqla 760 müstəqil bölmənin zərər gördüyü müəyyən edilib.
AzerVoice xəbər verir ki, Türkiyənin Ətraf Mühit, Şəhərsalma və İqlim Dəyişikliyi naziri Murat Kurum bildirib ki, Sındırgı zəlzələsindən sonra bütün binalar yenidən yoxlanılıb və 32 min müstəqil bölməni əhatə edən zərər müəyyənləşdirmə işləri tamamlanıb.
“Vətəndaşlarımız narahat olmasın. Tez bir zamanda işlərə başlayacağıq və yaranan zərərləri aradan qaldıracağıq. İlk zəlzələdən bir ay sonra təməlini qoyduğumuz 531 mənzilin tikintisini də sürətlə başa çatdıracağıq.” - deyə Nazir qeyd edib.