BAKI, AzerVoice, Nailə Babazadə
Türkiyə Prezidenti Rəcəb Tayyib Ərdoğan Almaniya kansleri Fridrix Mertsi rəsmi mərasimlə qarşılayıb.
AzerVoice xəbər verir ki, Ərdoğan, Mertsi Prezident Külliyəsinin əsas giriş qapısında qəbul edib. Liderlər mərasim meydanında yerlərini tutduqdan sonra, 21 top atəşi müşayiətilə iki ölkənin dövlət himnləri səsləndirilib.
Mərasimdə tarix boyu qurulmuş 16 türk dövlətini təmsil edən bayraqlar və hərbçilər də yer alıb.
Daha sonra Ərdoğan və Mertsi nümayəndə heyətlərini bir-birinə təqdim edib, Türkiyə və Almaniya bayraqları önündə jurnalistlər üçün foto çəkdiriblər.
Liderlərin təkbətək görüşündən sonra iki ölkə nümayəndə heyətləri arasında danışıqlar aparılacaq və görüşlərdən sonra ortaq mətbuat konfransı keçiriləcək.