BAKI, AzerVoice

Türkiyə Böyük Millət Məclisinin (TBMM) sədri Kurtulmuş Bahçelini ziyarət edib.

AzerVoice xəbər verir ki, TBMM sədri Numan Kurtulmuşun Milliyyətçi Hərəkat Partiyasının (MHP) sədri Dövlət Baxçalı ilə ziyarəti zamanı Türkiyə Böyük Millət Məclisinin (TBMM) tərkibində “Terrorsuz Türkiyə” hədəfinə uyğun olaraq qurulacaq işlərlə bağlı fikir mübadiləsi aparılıb.

TBMM sədri Numan Kurtulmuş MHP sədri Dövlət Baxçalı TBMM-dəki ofisində ziyarət edib. Mətbuata qapalı keçirilən görüş təxminən 35 dəqiqə davam edib. Görüşdən sonra Bahçeli Kurtulmuşla vidalaşıb.

Qeyd edək ki, iyulun 11-də İraqın Süleymaniyyə şəhərində PKK-ya bağlı bir qrup silahlarını məhv edərək prosesin yeni mərhələsini başladıb.

PKK üzvləri Süleymaniyyənin Surdaş mahalı sərhədindəki mağarada toplaşaraq silahlarını alovlu qazanda məhv ediblər. Proses İraq Kürd Regional Rəhbərliyi, Türkiyənin Milli Kəşfiyyat Təşkilatı, DEM Partiyası nümayəndələri və vətəndaş cəmiyyəti təmsilçilərinin iştirakı ilə izlənilib.

MHP sədri Devlet Bahçelinin çağırışı və Prezident Rəcəb Tayyib Ərdoğanın dəstəyi ilə irəliləyən "Terrorsuz Türkiyə" prosesi, silahların məhv edilməsi ilə simvolik dönüş nöqtəsinə çatıb. PKK-nın tam tərksilahı sentyabrın sonuna qədər tamamlanması planlaşdırılır.

Həmçinin qeyd edək ki, bu prosesin əsas mərhələlərinə DEM Partiyasının Ədliyyə Nazirliyinin icazəsi ilə İmralıya səfərləri, siyasi partiyalar arasında müzakirələr və prezident Ərdoğanın Pervin Buldan və Mithat Sancarla görüşləri daxildir. PKK mayın 5-7-də keçirilən qurultayında təşkilatın ləğvi və silahın yerə qoyulması qərarını açıqlamışdı.