Bakı,AzerVoice
Türkiyə ilə Şimali Kipr Türk Respublikasının (KKTC) imzaladığı beynəlxalq müqavilə Prezident Rəcəb Tayyib Ərdoğanın imzası ilə Türkiyənin Rəsmi Qəzetində dərc olunub.
AzerVoice xəbər verir ki, yanvarın 19-da Lefkoşada Türkiyə ilə KKTC arasında imzalanmış “Türkiyə Respublikası Hökuməti ilə Şimali Kipr Türk Respublikası Hökuməti arasında ticarət və iqtisadi əməkdaşlığın inkişafı haqqında Protokol”un təsdiq edilməsi qərara alınıb.
Bu müqavilə ilə ikitərəfli ticarət və iqtisadi əlaqələrin hər iki ölkə xalqının rifahını yüksəldəcək şəkildə inkişaf etdirilməsi nəzərdə tutulur.
Protokolun əlavəsinə “Türkiyə-KKTC Ticarət və İqtisadi Əməkdaşlıq Fəaliyyət Planı” da daxil edilib.