“Qəhrəman Türkiyə Silahlı Qüvvələri tarixi şan və şərəflə dolu müqəddəs bir ocaqdır. Avropa Parlamentində qəbul edilən sözdə qərar qəhrəman Türkiyə Silahlı Qüvvələrinə qarşı alçaq bir böhtandır. Bu qərarı qətiyyətlə pisləyirik”, – deyə Çelik bildirib.

Türkiyə Respublikası Milli Müdafiə Nazirliyi (MSB) tərəfindən keçirilən həftəlik mətbuat brifinqində Şərqi Aralıq dənizindəki hərbi-siyasi vəziyyət və Şimali Kipr Türk Cümhuriyyətinin (ŞKTC) təhlükəsizliyi ilə bağlı çox sərt bəyanatlar səsləndirilib. Nazirliyin bəyanatında bildirilir ki, Kiprdə heç bir söz haqqı olmayan Fransanın rum tərəfi ilə imzaladığı bu sənəd 1960-cı il Kipr müqavilələrinə və beynəlxalq hüquqa tamamilə ziddir.

Kipr problemi və ŞKTC-nin xarici siyasəti ilə bağlı bütün addımlar Türkiyə ilə məsləhətləşmələr çərçivəsində atılır və bu proses bundan sonra da davam edəcək. Bu sözləri Şimali Kipr Türk Cümhuriyyətinin Prezidenti Tufan Ərhürman bildirib. ŞKTC lideri bu fikirləri "Antalya Diplomasi Forumu (ADF) 2026"-da iştirakı çərçivəsində "Anadolu" agentliyinin müxbirinə verdiyi müsahibədə səsləndirib.

Türkiyə Prezidenti Rəcəb Tayyib Ərdoğan Şimali Kipr Türk Respublikasının (ŞKTR) Prezidenti Tufan Ərhürman ilə görüşüb. Prezident Ərdoğan və ŞKTR lideri Ərhürman arasındakı qəbul İstanbulda, Dolmabağça sarayında baş tutub. Görüşdə iki ölkə arasındakı qardaşlıq münasibətləri, Kipr məsələsi və regional inkişaflar ətrafında fikir mübadiləsi aparılıb.

Şimali Kipr Türk Cümhuriyyəti (ŞKTC) Xarici İşlər Nazirliyi tərəfindən Cənubi Kipr Rum Administrasiyasının (CKRA) Avropa İttifaqı (Aİ) Şurasına dövr sədrliyi ilə bağlı yayımlanan açıqlamada bildirilib ki, Aİ rəsmilərinin Kipr türk xalqını görməzdən gələn qərəzli mövqeyi davam etdikcə, onların xalq arasında etibar qazanması mümkün deyil. Türk Ajansı Kıbrıs (TAK) agentliyinin məlumatına görə, ŞKTC Xarici İşlər Nazirliyi CKRA-nın Aİ Şurasına dövr sədrliyi ilə bağlı mövqeyinə dair açıqlama yayıb.

Türkiyə Prezidenti Rəcəb Tayyib Ərdoğan Livan Prezidenti Cozef Aun ilə telefon danışığı aparıb. Görüş zamanı Türkiyə–Livan ikitərəfli münasibətləri və regional məsələlər müzakirə olunub. Danışıqda Prezident Ərdoğan Türkiyənin daim Livanın sabitliyini və suverenliyini dəstəklədiyini vurğulayıb. O bildirib ki, iki ölkə ticarət və investisiya sahələrində böyük potensiala malikdir. Prezident qeyd edib ki, Türkiyə Livanın təhlükəsizliyinin dəstəklənməsinə yönəlmiş beynəlxalq mexanizmlərdə iştirak etməyə hər zaman hazırdır.

Ankarada Türk Dövlətlərinin Dezinformasiya ilə Mübarizə Forumu keçirilir. Forumda Türkiyə, Azərbaycan, Qazaxıstan, Qırğızıstan, Özbəkistan, Macarıstan, Türkmənistan və Şimali Kipr Türk Respublikası nümayəndə heyətləri iştirak edirlər. Forumun əsas məqsədi türk dövlətləri arasında dayanıqlı və effektiv kommunikasiya mühitinin formalaşdırılması, həmçinin dezinformasiya təhdidlərinə qarşı mübarizə sahəsində institusional qarşılıqlı fəaliyyətin gücləndirilməsidir.

Türkiyə Enerji və Təbii Sərvətlər Nazirliyi Türk Dövlətləri Təşkilatının (TDT) Enerji Nazirlərinin Beşinci Toplantısına ev sahibliyi edəcək. Tədbirdə Türk dövlətləri arasında enerji əməkdaşlığının gücləndirilməsi üçün atılmalı addımlar müzakirə olunacaq. Türkiyənin Enerji və Təbii Sərvətlər Naziri Alparslan Bayraktar 9–10 dekabr tarixlərində İstanbulda keçiriləcək toplantı çərçivəsində iştirakçı ölkələrin enerji nazirləri ilə ikitərəfli görüşlər aparacaq və mövcud əməkdaşlıqların genişləndirilməsi istiqamətlərini müzakirə edəcək.

Şimali Kipr Türk Cümhuriyyəti Məclisinin sədri Ziya Öztürkler, Livan ilə Cənubi Kipr Rum İdarəsi (GKRY) arasında imzalanan dəniz səlahiyyət zonalarının məhdudlaşdırılması anlaşmasına sərt reaksiya göstərib. O bildirib ki, bu razılaşma Kipr türklərinin hüquqlarını pozur və Rum tərəfinin beynəlxalq alanda imzaladığı heç bir anlaşmanı qəbul etmədiklərini vurğulayıb. Öztürkler yazılı açıqlamasında qeyd edib ki, anlaşma adadakı siyasi reallıqları nəzərə almayan tək tərəfli addımdır və bölgədə gərginliyi artırır.

Türkiyə Xarici İşlər Nazirliyinin sözçüsü Öncü Keçeli, Livan ilə Cənubi Kipr Rum Administrasiyası (GKRY) arasında imzalanan Xüsusi İqtisadi Zona (MEB) Sərhədlərinin Məhdudlaşdırılması Sazişi ilə bağlı açıqlama verib. Keçeli sosial media hesabında yayımladığı açıqlamada bildirib. “Türkiyə, Şimali Kipr Türk Cümhuriyyəti ilə birlikdə, Kipr türklərinin hüquq və maraqlarını qorumağa davam edəcək.”- deyə Keçəli qeyd edib. O, GKRY-nin 2003-cü ildən bəri adanın bərabər tərəfi olan Kipr türklərini nəzərə almadan bölgədəki sahilyanı ölkələrlə dəniz sahələrinin sərhədlərini müəyyən edən ikitərəfli sazişlər imzaladığını xatırladıb. Keçeli qeyd edib ki, Livan ilə 2007-ci ildə imzalanmış, lakin qüvvəyə minməmiş saziş dünən yenidən təsdiqlənib.

Bakıda Gülüstan sarayında Türk Dövlətləri Təşkilatına sədrliyi növbəti mərhələ üçün qəbul edən Azərbaycanın təşəbbüsü ilə təşkilata üzv ölkələrin qeyri-hökumət təşkilatlarının həmrəylik forumunun rəsmi açılış mərasimi keçirilir. Forumda Azərbaycan, Türkiyə, Özbəkistan, Qazaxıstan, Qırğızıstan, Türkmənistan, Macarıstan və Şimali Kipr Türk Respublikasından 500 nəfərdən çox vətəndaş cəmiyyəti təmsilçisi iştirak edəcək.

Bakıda Türk Dövlətləri Təşkilatına üzv olan dövlətlərin Qızıl Aypara Şəbəkəsinin rəhbərlərinin iclası keçirilir. Şəbəkənin üzvləri olan Türkiyə, Qazaxıstan, Özbəkistan, Qırğızıstan respublikalarının Qızıl Aypara Cəmiyyətləri ilə yanaşı, müşahidəçi qismində Türkmənistan, Şimali Kipr Türk Cümhuriyyəti Qızıl Aypara Cəmiyyətlərinin rəhbərləri iştirak edirlər.