NATO müttəfiqləri ABŞ-ın İranda hərbi əməliyyatlarının yüksək keyfiyyətli silah ehtiyatlarını sürətlə tükətdiyindən narahatdır. İttifaqın hərbi liderləri Brüsseldə keçiriləcək toplantıda silah istehsalının artırılması üzrə təcili addımları müzakirə edəcəklər.

NATO-nun baş katibi Mark Rutte İran və Hörmüz boğazındakı vəziyyətlə bağlı açıqlama verib. Mark Rutte Monteneqroda keçirdiyi mətbuat konfransında hazırda əsas müzakirə mövzularından birinin İran və Hörmüz boğazında yaranmış vəziyyət olduğunu bildirib.

NATO rəhbərliyi ABŞ və Avropa ölkələri arasında hərbi əməkdaşlıq məsələlərində yeni mərhələnin başladığını bildirir. Mark Rutte Avropa ölkələrinin ABŞ prezidenti Donald Tramp tərəfindən verilən mesajları nəzərə aldığını və hərbi bazaların istifadəsi ilə bağlı razılaşmaların icrasını sürətləndirdiyini açıqlayıb

Türkiyə Prezidenti Rəcəb Tayyib Ərdoğan NATO rəhbərliyi ilə yüksək səviyyəli görüş keçirib. Məlumata görə, görüşdə Türkiyənin xarici işlər naziri Hakan Fidan, milli müdafiə naziri Yaşar Güler və Prezidentin xarici siyasət və təhlükəsizlik məsələləri üzrə baş müşaviri Akif Çağatay Kılıç da iştirak ediblər.

NATO Baş katibi Mark Rutte Ankaraya səfəri çərçivəsində Türkiyənin aparıcı müdafiə sənayesi şirkətlərindən biri olan ASELSAN-ı ziyarət edib. Məlumata görə, Rutte ASELSAN-da Haluk Görgün və Ahmet Akyol tərəfindən qarşılanıb. NATO rəhbəri çıxışı zamanı bildirib ki, müasir dövrdə yalnız müdafiə xərclərinin artırılması kifayət etmir, əsas məsələ istehsal gücünün genişləndirilməsidir.

NATO baş katibi Mark Rutte 21-22 aprel tarixlərində Türkiyəyə səfər edəcək. Görüşlərdə regiondakı vəziyyətlə yanaşı, Rusiya-Ukrayna müharibəsi də əsas müzakirə mövzularından biri olacaq. Məlumata görə, Türkiyənin Rusiya və Ukrayna arasında birbaşa danışıqların növbəti mərhələsinə ev sahibliyi etmək istiqamətində səyləri də diqqət mərkəzində olacaq. Bu təşəbbüsün sülh prosesinin yenidən canlandırılmasına yönəldiyi qeyd olunur

ABŞ prezidenti Donald Tramp NATO müttəfiqlərini Hörmüz boğazında təhlükəsizliyin təmin olunması üçün təcili addımlar atmağa çağırıb. Eyni zamanda, diplomatik mənbələrdən biri qeyd edib ki, Mark Rütte Trampa NATO müttəfiqlərinin ABŞ və İsrailin İrana qarşı başlatdığı hərbi qarşıdurma ilə bağlı gözlənilməz vəziyyətlə üzləşdiyini izah etməli olub.

NATO-nun Baş katibi Mark Rutte Alyansın gələcək vizyonu ilə bağlı verdiyi son açıqlamalarda müttəfiqlərin müdafiə potensialını artırmaq sürətindən məmnunluğunu ifadə edib, lakin mövcud addımların hələ də yetərli olmadığını vurğulayıb. Rutte, xüsusilə müdafiə xərclərinin Ümumi Daxili Məhsulun (ÜDM) 5 faizinə çatdırılması öhdəliyinə toxunaraq, bunun NATO-nun gələcəkdə ABŞ-dan həddindən artıq asılı bir qurum olmasının qarşısını alacağını bildirib.

Təsis edilməsindən 77 il keçən Şimali Atlantika Alyansı (NATO) bəlkə də tarixinin ən ağır böhranı ilə üz-üzədir. 1949-cu ildə 32 dövlətin iştirakı ilə yaradılan hərbi ittifaqda Avropa ölkələri və ABŞ arasındakı baxış ayrılığı, xüsusilə prezident Donald Trampın hakimiyyəti dövründə dərinləşərək parçalanma həddinə çatıb.

Türkiyə Prezidenti Rəcəb Tayyib Ərdoğan NATO-nun Baş katibi Mark Rutte ilə telefon əlaqəsi saxlayıb. Türkiyə Respublikası Prezident Administrasiyasının Kommunikasiya İdarəsindən verilən məlumata görə, tərəflər regional və qlobal məsələləri, eləcə də Alyansı maraqlandıran strateji mövzuları ətraflı mühakimə ediblər. Prezident Ərdoğan danışıq zamanı İrana qarşı hərbi müdaxilə ilə başlayan prosesin artıq "geostrateji çıxılmaz vəziyyətə" sürükləndiyini vurğulayıb. O, beynəlxalq birliyi bu müharibəni dayandırmaq üçün səyləri artırmağa çağırıb. Ərdoğan həmçinin NATO-nun Türkiyənin hava hücumundan müdafiəsinə verdiyi dəstəyin Alyansın çəkindiricilik gücünü bir daha nümayiş etdirdiyini qeyd edib.

Dünya ABŞ-ın Yaxın Şərqə doğru irəliləyən hərbi qüvvələrini, ABŞ-İsrail koalisiyasının İrana qarşı mümkün müharibəsini və bunun Hörmüz boğazındakı naviqasiyaya, neft-qaz qiymətlərinə təsirini narahatlıqla izlədiyi bir vaxtda, ABŞ Konqresinin Tədqiqat Xidməti (CRS) diqqətçəkən bir araşdırma dərc edib. 27 fevral 2026-cı ildə, yəni müharibənin başlamasından cəmi bir gün əvvəl işıq üzü görən "Hakimiyyətin bölünməsi və NATO-dan çıxma" adlı bu araşdırma, Prezident Trampın Konqresin razılığı olmadan ABŞ-ı Şimali Atlantika Müqaviləsi Təşkilatından (NATO) çıxarmaq səlahiyyətinin olub-olmadığını müzakirə edir. Araşdırmanın məhz bu zaman kəsiyində dərc olunması xüsusilə diqqət çəkir.

NATO-nun Baş katibi Mark Ruttenin gələn həftə Vaşinqtona rəsmi səfər edərək ABŞ Prezidenti Donald Tramp ilə bir araya gələcəyi bildirilib. "Wall Street Journal" (WSJ) qəzetinin Ağ Evdəki mənbələrə istinadən yaydığı xəbərə görə, bu kritik görüş transatlantik ittifaq daxilində ciddi fikir ayrılıqlarının yaşandığı bir dövrə təsadüf edir. NATO-nun sözçüsü Ellison Hart da səfər faktını təsdiqləyərək, Ruttenin Vaşinqton ziyarətinin əslində uzun müddətdir planlaşdırıldığını və gündəmdə olan mühüm təhlükəsizlik məsələlərinin müzakirə ediləcəyini vurğulayıb.