Türkiyə ilə Azərbaycan arasında müdafiə sənayesi əməkdaşlığının yeni nəticəsi olaraq, Məhsul və Kimya Sənayesi Qurumu (MKE) Azərbaycanda “Maşın və Kimya Azərbaycan (MKA)” adlı şirkət yaradıb. Şirkət MKE-nin xaricdəki ilk iştirakı kimi fəaliyyətə başlayıb. Eyni zamanda, Açıq Dəniz Nəzarət Gəmisi Layihəsi çərçivəsində inşa olunan bir gəmiyə Rumıniyaya satış həyata keçirilib. Dəniz Qüvvələri Komandanlığı üçün daha üstün xüsusiyyətlərə malik olacaq “Seferihisar” gəmisinin isə İstanbul Tersanesi Komandanlığında inşa edilərək donanmaya təhvil veriləcəyi bildirilib.

Türkiyə və Macarıstanın aparıcı müdafiə sənayesi şirkətləri yeni anlaşmalarla əməkdaşlıqlarını daha da möhkəmləndirib. Macarıstan Baş Naziri Viktor Orbanın Türkiyə səfəri çərçivəsində iki ölkə arasında genişmiqyaslı müdafiə sənayesi çərçivə anlaşması imzalanıb. Paralel olaraq, 4iG Uzay və Müdafiə Texnologiyaları (4iG SDT) ilə ASELSAN və Nurol Makina arasında iki yeni anlaşma əldə edilib.

Türkiyənin laylı hava müdafiə sistemi “Çelik Kubbe”nin gücləndirilməsi məqsədilə yeni raket və hava müdafiə sistemlərinin kütləvi istehsalına dair ümumi dəyəri 6,5 milyard dollar olan müqavilələr imzalanıb. Müqavilələrin imzalanması mərasimi Müdafiə Sənayesi İdarəsinin koordinasiyası ilə 25 noyabrda HAVELSAN-ın ev sahibliyində keçirilib. Tədbirdə Müdafiə Sənayesi İdarəsinin rəhbəri professor Haluk Görgün, idarə rəisinin müavini Hüseyn Avşar, ASELSAN-ın baş direktoru Ahmet Akyol, Roketsan-ın baş direktoru Murat İkinci, Türk Silahlı Qüvvələrinin nümayəndələri və müdafiə sənayesi təmsilçiləri iştirak ediblər.

Türkiyə Prezidenti Rəcəb Tayyib Ərdoğan, Prezident Külliyəsində keçirilən Nazirlər Kabinetinin iclasından sonra açıqlama verib. Ərdoğan çıxışında, "Türkiyə Yüzili" vizyonunun ardıcıl şəkildə həyata keçirildiyini və ölkənin bütün sahələrdə hədəflərinə doğru irəlilədiyini bildirib.

Mali Respublikasında keçirilən BAMEX 2025 müdafiə sərgisi çərçivəsində Türkiyənin Akıncılar Taktik Tekstil şirkəti tərəfindən təqdim olunan yerli balistik məhsullar ziyarətçilərin xüsusi diqqətini çəkib. Şirkətin nümayəndəsi, layihə mühəndisi Enes Bitigen tədbirdə çıxışı zamanı bildirib ki, Akıncılar Taktik Tekstil artıq NATO standartlarına uyğun şəkildə fərdi və zirehli vasitələrə tətbiq edilən balistik qoruyucu sistemlər istehsal edir.

PKK və onun müxtəlif adlar altında fəaliyyət göstərən bütün qolları həm ölkə daxilində, həm də sərhədlər xaricində terror fəaliyyətlərinə dərhal son qoymalıdır

Türkiyənin müdafiə və aviasiya sənayesinin 2025-ci ilin ilk 10 ayında ümumi ixrac həcmi 6,7 milyard ABŞ dolları olub. Bu barədə Türkiyə Prezidentliyinin Müdafiə Sənayesi İdarəsinin (SSB) rəhbəri professor Haluk Görgün sosial media hesabında məlumat paylaşıb. Görgün bildirib ki, təkcə oktyabr ayında sektorun ixracı 708 milyon dollara çatıb. O, qeyd edib ki, ilin ilk 10 ayında xidmət ixracı istisna olmaqla ümumi ixrac ötən ilin eyni dövrü ilə müqayisədə 31 faiz artaraq 6,7 milyard dollara yüksəlib.

Ankarada keçirilən təntənəli mərasimdə Prezident Rəcəb Tayyib Ərdoğan "Altay" tanklarının seriya istehsalına başlanıldığını bəyanladı, "BMC Defense" korporasiyasına məxsus zavodun açılışını etdi. O zaman səslənən bir cümlə yeni dövrün simvoluna çevrildi: “Biz elə bir Türkiyə qururuq ki, onun ardınca gedirlər - yoxsa başqalarının ardınca gedən Türkiyə yox”. Ankarada keçirilən təntənəli mərasimdə Prezident Rəcəb Tayyib Ərdoğan "Altay" tanklarının seriya istehsalına başlanıldığını bəyanladı, "BMC Defense" korporasiyasına məxsus zavodun açılışını etdi. O zaman səslənən bir cümlə yeni dövrün simvoluna çevrildi: “Biz elə bir Türkiyə qururuq ki, onun ardınca gedirlər - yoxsa başqalarının ardınca gedən Türkiyə yox”.

Türkiyə Prezidenti Rəcəb Tayyib Ərdoğan, Kahramankazan rayonunda keçirilən BMC Ankara Tank və Yeni Nəsil Zirehli Texnika İstehsal Zavodunun açılışı və ilk ALTAY tanklarının təhvil verilməsi mərasimində çıxış edib. Prezident Ərdoğan çıxışında Türkiyənin müdafiə sənayesində qazandığı uğurların milli iradənin və mühəndislik gücünün nəticəsi olduğunu bildirib. O, ALTAY tankı layihəsinin Türkiyənin tam müstəqil müdafiə sənayesi hədəfinin simvoluna çevrildiyini vurğulayıb.

Türkiyə Prezidentliyi Müdafiə Sənayesi Komitəsinin sədri Haluk Görgün bildirib ki, Türkiyə artıq tank və zirehli texnika istehsalında dünyanın aparıcı mərkəzlərindən birinə çevrilib. Onun sözlərinə görə, 682 min kvadratmetrlik ərazidə inşa olunan yeni zavodda robotlaşdırılmış qaynaq sistemləri ilə ildə 96 “Altay” əsas döyüş tankı istehsal olunacaq. ALTAY Tankının Seriya İstehsal Zavodunun açılış mərasimində çıxış edən Görgün vurğulayıb ki, hər yeni istehsal müəssisəsi Türkiyənin müdafiə sənayesində tam müstəqilliyə atılmış möhür, hər yerli texnika isə xalqın iradə və əzm rəmzidir.

Türk müdafiə sənayesinin uğurlu məhsullarından olan Ejder Yalçın 4x4 taktiki zirehli maşını, NATO çərçivəsində Macarıstanda keçirilən Adaptive Hussars 2025 (ADHU 25) hərbi təlimində sahəyə çıxarıldı. Macarıstan Silahlı Qüvvələrinin ev sahibliyi etdiyi və ölkə tarixinin ən böyük hərbi təlimlərindən biri hesab edilən tədbirdə 22 minə yaxın hərbi personal iştirak edib.

Türkiyənin Baykar şirkəti tərəfindən hazırlanmış pilotsuz uçuş aparatı Bayraktar KIZILELMA, ASELSAN istehsalı yüksək texnologiyalı TOLUN silah sistemi ilə ilk uçuş testini uğurla həyata keçirib. Türkiyə Müdafiə Sənayesi İdarəsinin rəhbəri Haluk Görgün də paylaşımında bu uğuru vurğulayaraq, “göy üzündə yeni bir imza atıldığını” bildirib.