BAKI, AzerVoice, Fərid Mikayılov
Türk müdafiə sənayesinin uğurlu məhsullarından olan Ejder Yalçın 4x4 taktiki zirehli maşını, NATO çərçivəsində Macarıstanda keçirilən Adaptive Hussars 2025 (ADHU 25) hərbi təlimində sahəyə çıxarıldı.
AzerVoice xəbər verir ki, Macarıstan Silahlı Qüvvələrinin ev sahibliyi etdiyi və ölkə tarixinin ən böyük hərbi təlimlərindən biri hesab edilən tədbirdə 22 minə yaxın hərbi personal iştirak edib.
Təlimdə Macarıstanla yanaşı Türkiyə, Xorvatiya, İtaliya və digər NATO ölkələrinin əsgərləri də yer alıb.
Nurol Makina tərəfindən Macarıstan ordusu üçün xüsusi hazırlanan Gidran 4x4 zirehli maşınları ön plana çıxıb. İlk dəfə 2020-ci ildə Macarıstan ordusunun inventarına daxil edilən Gidran, sürətli yerləşmə, qüvvələrin qorunması və çətin relyef şəraitində yüksək hərəkət qabiliyyəti ilə diqqət çəkib.
Türkiyənin də qatıldığı təlimdə Gidran 4x4-lər logistika, kəşfiyyat və manevr mərhələlərində intensiv şəkildə istifadə olunub. Bu əməkdaşlıq, NATO çərçivəsində Türkiyə, Macarıstan və digər müttəfiq qüvvələrin qarşılıqlı uyğunluğunu gücləndirib.
Hazırda Macarıstan ordusunun istifadəsində 100-dən çox Gidran var. Lakin 2026-cı ildən etibarən yerli istehsala başlanacaq və ümumilikdə 400-dən çox yeni maşın istehsal ediləcək. Bu proseslə ölkədəki Gidran 4x4-lərin sayı beş dəfə artırılacaq.
Bu inkişaf, Türkiyə müdafiə sənayesinin NATO müttəfiqləri ilə əməkdaşlıqda artan rolunu və məhsullarının beynəlxalq uğurunu bir daha nümayiş etdirir.