BAKI, AzerVoice, Nailə Babazadə
Beşiktaş klubu, təcrübəli baş məşqçi ilə 2 illik müqavilə bağlandığını açıqlayıb.
AzerVoice xəbər verir ki, Trendyol Super Liqanın komandalarından Beşiktaş, Ole Gunnar Solskjaer-in boşalttığı baş məşqçi yerinə Sergen Yalçını təyin edib.
Qara-ağlı komanda, UEFA Avropa Konfrans Liqasının pley-off mərhələsində səfərdə 1-1 bərabərə qaldığı Lausanne-ı evində 1-0 məğlub edərkən, matçdan sonra norveçli texniki direktor Ole Gunnar Solskjaer ilə yollarını ayırmışdı.
İkinci Sergen Yalçın dönəmi
Sergen Yalçın, baş məşqçilik karyerasında ikinci dəfə Beşiktaşın başına keçdi.
Altyapısında yetişdiyi və futbolçu kimi uzun illər formasını geydiyi Beşiktaşa, 2020-ci ilin yanvarında texniki direktorluğa imza atan Yalçın, qara-ağlı komandanın rəhbərliyində 2020-21 mövsümündə Super Liqada və Türkiyə Kubokunda qalib gəldi.
Baş məşqçilik karyerası
Baş məşqçilik karyerasına 2013-cü ildə Qaziantepsporda başlayan Sergen Yalçın, ardıcıl olaraq Kayserispor, Eskişehirspor, Konyaspor, Alanyaspor və Yeni Malatyasporda çalışdı.
2020-21 mövsümündə Beşiktaşı çalışdıran 52 yaşındakı texniki direktor, son olaraq 2023-24 mövsümündə Antalyasporda çalışmışdı.