BAKI,VOA, Fərid Mikayılov
UEFA Çempionlar Liqasının 2025/2026 mövsümünün qalibi bu gün bəlli olacaq.
VOA xəbər verir ki, final qarşılaşmasında PSJ və Arsenal üz-üzə gələcək.
Həlledici görüş Puskás Aréna stadionunda keçiriləcək. Matçın start fiti Bakı vaxtı ilə saat 20:00-da səslənəcək.
Qarşılaşmanı Almaniyadan olan FIFA referisi Daniel Siebert idarə edəcək.
Qeyd edək ki, PSJ və “Arsenal” indiyədək UEFA turnirlərində 7 dəfə qarşılaşıblar. Bu oyunlarda hər iki komanda 2 dəfə qələbə qazanıb, 3 görüş isə heç-heçə nəticələnib.