BAKI, AzerVoice, Fərid Mikayılov

Braziliya millisinin baş məşqçisi Karlo Ançelotti 2026-cı il Dünya Çempionatının Cənubi Amerika seçmə mərhələsinin son oyunları üçün heyəti elan edib.

AzerVoice xəbər verir ki, İtaliyalı mütəxəssis Çili və Boliviya ilə qarşılaşmalarda 23 futbolçunu çağırıb, lakin üç böyük ulduz – Neymar, Vinisius Junior və Rodriqo heyətdən kənarda qalıb.

Braziliya sentyabrın 4-də Rio-de-Janeyrodakı Marakana stadionunda Çilini qəbul edəcək, beş gün sonra isə 4 min 100 metr hündürlükdə yerləşən El Alto şəhərində Boliviya ilə qarşılaşacaq.

“Şəxsi olaraq yaxşı tanımadığım futbolçulara daha yaxından baxmaq istəyirəm”- deyə Ançelotti jurnalistlərə açıqlamasında bu qərarı belə izah edib.

Neymar zədə səbəbilə çağırılmayıb. Vinisius isə sarı vərəqə limitinə görə bir oyunluq cəza alıb və yalnız Boliviya ilə matçda iştirak edə bilərdi. Rodriqo isə baş məşqçinin sözlərinə görə, artıq kifayət qədər tanıdığı futbolçular sırasındadır. Neymar oktyabr 2023-dən bəri milli komandada çıxış etmir və hələ də bərpa prosesindədir.

Heyət:

Qapıçılar: Alisson (Liverpul), Bento (Əl-Nəsr), Hugo Souza (Kortinas).

Müdafiəçilər: Alexandro Ribeiro (Lill), Alex Sandro (Flamenqo), Caio Henrique (Monako), Douqlas Santos (Zenit), Fabrisio Bruno (Kruzeiro), Qabriel Maqalayeş (Arsenal), Marquinhos (PSJ), Vanderson (Monako), Vesley (Roma).

Yarımmüdafiəçilər: Andre Santos (Çelsi), Bruno Quimaryeş (Nyukasl), Kasemiro (Mançester Yunayted), Joelinton (Nyukasl), Lukas Paketa (Vest Ham).

Hücumçular: Estevao (Çelsi), Qabriel Martinelli (Arsenal), Jao Pedro (Çelsi), Kaio Jorje (Kruzeiro), Luiz Henrike (Zenit), Mateus Kunya (Mançester Yunayted), Rafinya (Barselona), Rişarlison (Tottenham).

Qeyd edək ki, uzun müddətdən sonra heyətə qayıdan futbolçulardan biri də Lukas Paketa olub. Vest Hemin yarımmüdafiəçisi ötən il davam edən mərc qalmaqalı ilə bağlı istintaqa görə millidən uzaq qalmışdı.