BAKI,VOA, Fərid Mikayılov
Vinisus Junior Real Madrid-dəki gələcəyi ilə bağlı açıqlama verib və müqavilə məsələsinə tələsmədiyini bildirib.
VOA xəbər verir ki, Santiaqo Bernabeu klubunun aparıcı futbolçularından biri olan braziliyalı hücumçu, hazırkı müqavilə vəziyyəti barədə danışıb.
Onun sözlərinə görə, 2027-ci ilə qədər qüvvədə olan müqavilə ilə bağlı hazırda təzyiq və ya tələskənlik yoxdur.
Vinisus bildirib ki, klub rəhbərliyi ilə qarşılıqlı etimad mövcuddur və tərəflər arasında münasibətlər yüksək səviyyədədir. O, həm özünün, həm də klubun sakit olduğunu vurğulayıb.
Futbolçu eyni zamanda komanda daxilində artan rolundan danışaraq, son illərdə təcrübəli oyunçuların gedişindən sonra daha çox məsuliyyət daşıdığını qeyd edib.
Vinisus əlavə edib ki, karyerasını uzun müddət Real Madriddə davam etdirmək istəyir və gələcəyi ilə bağlı yayılan transfer iddialarını qəbul etmir.