BAKI,AzerVoice
Barselonanın və İspaniya millisinin gənc futbolçusu Lamin Yamalın ad günü şənliyi ilə bağlı yaranan qalmaqal onu hüquqi məsuliyyət qarşısında qoya bilər.
AzerVoice xəbər verir ki, Yamalın 13 iyul tarixində təşkil etdiyi ad günü məclisində qısa boylu şəxslərin əyləncə elementi kimi istifadəsi geniş ictimai narazılığa səbəb olub.
Şahidlərin sözlərinə görə, həmin şəxslər tədbirdə qonaqları qarşılayıb, içki paylayıb və xüsusi geyimlərdə dekorativ obrazlar yaratmaqla şou atmosferinə daxil edilib.
İspaniyada Acondroplasia və Skelet Displaziyası ilə Yaşayan İnsanlar Assosiasiyası (ADEE) yayımladığı bəyanatda bu davranışın insan ləyaqətinə qarşı açıq hörmətsizlik olduğunu bildirib və məsələ ilə bağlı hüquqi prosedurlara start verəcəklərini açıqlayıb.
Hazırda futbolçunun özü və ya hüquq komandası tərəfindən ictimaiyyətə rəsmi açıqlama verilməyib.