BAKI, AzerVoice

İngiltərə millisinin və Londonun Çelsi klubunun ulduz yarımmüdafiəçisi Koul Palmer, ABŞ Prezidenti Donald Trampın Klub Dünya Çempionatındakı davranışına münasibət bildirib.

AzerVoice xəbər verir ki, London Çelsisi tarixində ikinci dəfə Klub Dünya Çempionatının qalibi olub.

Mükafatlandırma mərasiminə prezident Donald Tramp da qatılıb və komanda ilə birlikdə kuboku qaldırıb. Bu jest Palmeri bir qədər çaşdırıb.

“Mən Prezident Trampın kuboku qaldırdığımız anda orada olacağını gözləmirdim” – deyə Palmer jurnalistlərə açıqlamasında bildirib.

Komandanın kapitanı və İngiltərə millisinin müdafiəçisi Ris Ceyms də Trampın həmin anda meydanda olmasının gözlənilməz olduğunu, lakin bu jestin turnirin nə qədər nüfuzlu olduğunu göstərdiyini deyib.

“Onun bizimlə birlikdə kuboku qaldıracağını gözləmirdim, amma düşünürəm ki, bu, turnirin nə qədər böyük olduğunu göstərir. O sadəcə məni və komandamı təbrik etdi, anın dadını çıxarmağımızı istədi” – deyə Ceyms əlavə edib.

Qeyd edək ki, final qarşılaşmasında Çelsi 3:0 hesabı ilə qələbə qazanıb. Qolları Koul Palmer və braziliyalı hücumçu Joao Pedro vurublar.