ABŞ Müdafiə Nazirliyi (Pentaqon) İranla müharibə zamanı amerikalı hərbçilərin ölümü və yaralanması ilə bağlı statistikanın hesablanması qaydasını dəyişib. ABŞ mediasının yazdığına görə, yeni sistem itkilərin ümumi sayının ictimaiyyətə daha aşağı göstərilməsinə səbəb ola bilər.

Ukraynada müharibə meydanında istifadə edilən “Aerorozvidka” təşəbbüsünün yaratdığı “Delta” rəqəmsal döyüş idarəetmə sistemi ABŞ ordusunun diqqətini çəkib. ABŞ Quru Qoşunlarının rəhbərliyi bu sistemin bəzi imkanlarının hazırda Amerika ordusunda mövcud olan imkanları üstələdiyini etiraf edib. Söhbət 2014-cü ildə Rusiyanın Krımı ilhaq etməsindən sonra bir qrup ukraynalı mühəndis və proqramçının yaratdığı layihədən gedir. Həmin dövrdə mülki sahədə çalışan texnologiya mütəxəssisləri kommersiya məqsədli kiçik pilotsuz uçuş aparatlarını döyüş şəraitinə uyğunlaşdırmağa başlayıblar.

Fyodor Dostoyevski yaradıcılığı sadəcə bədii ədəbiyyatın və insan psixologiyasının dərinliklərini araşdıran bir irs deyil, həm də gələcəyin siyasi mənzərəsini onilliklər əvvəl cızan bəsirətli bir uzaqgörənlik nümunəsidir. Böyük yazıçının XIX əsrdə dilə gətirdiyi fəlsəfi və publisistik fikirlər, XXI əsrin reallıqlarında – xüsusilə cəmiyyətlərdə ateizmin yayılması, inqilabların gətirdiyi xaos və postsovet məkanındakı kəskin hərbi-siyasi böhranlar fonunda yenidən diqqət çəkir. Müəllif sanki əsrlər sonra baş verəcək geosiyasi qırılmaların, müasir regional münaqişələrin gedişatını və milli kimlik qarşıdurmalarını əvvəlcədən təhlil edir, bu mürəkkəb proseslərin hansı nöqtəyə varacağını öz baxış bucağından təxmin edirdi.

Afrikanın Sahil bölgəsində iqlim böhranı, səhralaşma, su qıtlığı və kütləvi miqrasiya təhlükəsizlik problemlərini daha da dərinləşdirərək regiondakı münaqişələrin xarakterini dəyişir. Araşdırmalara görə, quraqlıq və torpaq deqradasiyası təkbaşına müharibələrə səbəb olmasa da, zəif idarəçilik, yoxsulluq və resurs uğrunda rəqabətlə birləşərək silahlı qrupların fəaliyyət göstərməsi üçün əlverişli mühit yaradır.

ABŞ Dövlət Departamenti İsrail və Livan arasında Romada keçirilən danışıqların avqustun 6-dək davam edəcəyini açıqlayıb. Danışıqların məqsədi iyunun 26-da imzalanmış çərçivə sazişinin tam icrasını təmin etməkdir. Müzakirələr Hizbullahın silahsızlaşdırılması, "pilot zona" mexanizmi və İsrail ordusunun Livanın cənubundan yenidən yerləşdirilməsi məsələlərini əhatə edir. Vaşinqton prosesin hər iki ölkə üçün uzunmüddətli təhlükəsizliyə töhfə verəcəyini bildirib.

Ağ Evdə Meta, Anthropic, Google və OpenAI nümayəndələrinin iştirakı ilə qabaqcıl süni intellekt modellərinin təhlükəsizliyi müzakirə olunacaq. Görüşün əsas mövzusu bu modellərin kiberhücum imkanlarının hökumət tərəfindən könüllü əsasda sınaqdan keçirilməsidir. OpenAI və Anthropic-in son təhlükəsizlik insidentləri ABŞ-da narahatlıqları artırıb. Beş demokrat senator isə bu testlərin qanunla məcburi hala gətirilməsinə çağırış edib. Onlar ABŞ-nin Çinlə texnoloji rəqabətdə balanslı tənzimləmə siyasəti yürütməsinin vacibliyini vurğulayıblar.

ABŞ-nin maliyyə naziri Skott Bessent Hörmüz boğazı ilə bağlı mümkün razılaşmanın enerji bazarına müsbət təsir göstərəcəyini bildirib. Onun sözlərinə görə, boğazdan keçmək üçün yüzlərlə gəmi növbə gözləyir və artıq bir sıra gəmilər hərəkətə başlayıb. Bessent hesab edir ki, vəziyyət sabitləşdikcə enerji qiymətləri də yenidən aşağı düşəcək. Nazir bunun qlobal iqtisadiyyat üçün müsbət nəticələr verəcəyini vurğulayıb.

Azərbaycan və Ermənistan arasında de-fakto sülh bərqərar olub və bu, normallaşma prosesində ən mühüm nailiyyətdir. Bu fikirləri Azərbaycanın xarici işlər naziri Ceyhun Bayramov İsveçrənin Federal Şurasının üzvü və Federal Xarici İşlər Departamentinin rəhbəri, ATƏT-in fəaliyyətdə olan sədri İqnasio Kassislə bu gün Bakıda keçirilən birgə brifinqdə deyib. Nazir bildirib ki, Azərbaycan-Ermənistan normallaşma prosesi çərçivəsində Minsk qrupunun ləğvi ilə yanaşı, etimadın möhkəmləndirilməsi istiqamətində də mühüm addımlar atılıb.

Qırmızı dəniz və Babul-Məndəb boğazında son illər artan təhlükəsizlik riskləri təkcə Yaxın Şərq ölkələrinin deyil, qlobal iqtisadiyyatın da əsas problemlərindən birinə çevrilib. Husilərin ticarət gəmilərinə hücumları, enerji marşrutlarının təhlükə altına düşməsi və dəniz daşımalarının bahalaşması fonunda Səudiyyə Ərəbistanının təşəbbüsü ilə yeni çoxtərəfli dəniz müdafiə ittifaqının yaradılması istiqamətində proses sürətlənib.

Türkiyənin Daxili İşlər Nazirliyi yanında Miqrasiya İdarəsi Başqanlığı 2026-cı il iyulun 30-na olan yaşayış icazəsi ilə ölkədə olan əcnəbilərin statistik məlumatlarını açıqlayıb. Məlumatlara əsasən, Türkiyədə yaşayış icazəsi ilə qalan xarici vətəndaşların sayı 1 milyon 261 min 239 nəfərə çatıb. Statistik göstəricilər son illərdə Türkiyədə yaşayan əcnəbilərin sayında yenidən artım tendensiyasının müşahidə edildiyini göstərir. Belə ki, yaşayış icazəsi ilə ölkədə olan əcnəbilərin sayı 2022-ci ildə 1 milyon 354 min 94 nəfərlə rekord həddə çatdıqdan sonra 2024-cü ildə 1 milyon 56 min 632 nəfərə qədər azalıb. 2025-ci ildən etibarən isə göstərici yenidən yüksəlməyə başlayıb.

İsrail və Livan rəsmiləri arasında sərhəd mübahisələrinin həlli və İsrail qoşunlarının Livanın cənubundan çıxarılması ilə bağlı danışıqlar davam etsə də, bölgədəki vəziyyət əks istiqamətdə inkişaf edir. İsrail qüvvələrinin atəşkəs razılaşmasından sonra da Livanın cənubunda evləri, kənd təsərrüfatı sahələrini və mülki infrastrukturu dağıtmağa davam etdiyi bildirilir.

Türkiyədə Yüksək Hərbi Şuranın (YAŞ) növbəti iclası avqustun 4-də Prezident Rəcəb Tayyib Ərdoğanın sədrliyi ilə Prezident Kompleksində keçiriləcək. İclasda Türkiyə Silahlı Qüvvələrində (TSQ) rütbə yüksəlişləri, yeni təyinatlar və təqaüdə göndərilmələrlə bağlı mühüm qərarların qəbul ediləcəyi gözlənilir.