İraq cənub neft yataqlarından xam neftin avtosisternlərlə daşınması yolu ilə Türkiyənin Ceyhan limanı vasitəsilə neft ixracının gündəlik 750 min barelə çatdırılması planlaşdırılır. Bu plan eyni zamanda cənub limanları vasitəsilə də ixracın artırılmasını əhatə edir. İraq və Türkiyə strateji əhəmiyyətli İraq-Türkiyə neft boru kəməri vasitəsilə əməliyyatların davam etdirilməsi məqsədilə birillik qısamüddətli saziş imzalayıblar.

Türkiyə enerji sahəsində tam müstəqillik hədəfi çərçivəsində üç qitədə fəaliyyətini genişləndirir. Enerji və Təbii Sərvətlər naziri Alparslan Bayraktar bildirib ki, Ankara İraqın Kərkük bölgəsindən Somaliyə, Liviyadan Omana, Azərbaycandan Macarıstana qədər quru və dənizdə müxtəlif enerji layihələri və tərəfdaşlıqlar həyata keçirir.

Türkiyə ilə İraq arasında xam neft boru kəmərinin daha səmərəli istifadəsinə dair bir illik saziş imzalanıb. Razılaşma çərçivəsində kəmərin gündəlik 750 min barel daşıma gücü üzrə yeni tutum tənzimləməsi tətbiq olunacaq. Alparslan Bayraktar bildirib ki, imzalanan saziş Türkiyə ilə İraq arasında enerji əməkdaşlığının inkişafına və mövcud neft infrastrukturunun daha səmərəli istifadəsinə töhfə verəcək.

SOCAR, TotalEnergies və XRG şirkətləri yatağın işlənməsinin ikinci mərhələsi üçün konsepsiya üzərində razılığa gəliblər. Bu mərhələyə sualtı hasilat və sonradan quruda nəql daxildir. Quyular təxminən 500 metr dərinlikdə qazılacaq və onların ümumi uzunluğu 7000 metri keçəcək ki, bu da onları Xəzər dənizindəki ən dərin quyular arasında yer alacaq.

BOTAŞ Konya vilayətinin Seydişehir rayonunda yerləşən Mesudiye xətt vana stansiyasında tikinti işlərinin həyata keçirilməsi üçün açıq tender proseduruna start verib. Məlumata görə, layihə çərçivəsində təxminən 460 kvadratmetr sahədə zemin düzləndirilməsi və betonlama işləri, eləcə də vana otağının tikintisi nəzərdə tutulur

BOTAŞ tərəfindən Antalya Sənaye Bölgəsində yerləşən “Take-Off” vana stansiyası üzrə tikinti işlərinin görülməsi üçün açıq tender elan olunub. Məlumata görə, layihə çərçivəsində təxminən 425 kvadratmetr ərazidə torpaq işləri, betonlama, betonarme yol və vana otağının inşası nəzərdə tutulur. İşlərin Antalya vilayətinin Döşemealtı rayonunda həyata keçirilməsi planlaşdırılır.

Məlumata görə, KOVAN sistemi Türkiyənin strateji qurumlarında korporativ informasiya sistemlərinin təmin edilməsi məqsədilə inkişaf etdirilib və artıq ölkə daxilində bir sıra dövlət qurumlarında tətbiq olunur. Sistem Prezident Administrasiyası Müdafiə Sənayesi İdarəsi, BOTAŞ, Ali Seçki Şurası, HAVELSAN və Teknopark İstanbul kimi qurumlarda istifadə edilir.

Suriya bazar ertəsi günü elektrik enerjisi sistemini gücləndirmək məqsədilə İordaniyadan 140 milyon kubfut təbii qazın alınmasına dair saziş imzaladığını elan edib. Suriya Energetika Nazirliyinin yaydığı rəsmi bəyanatda bildirilir ki, təbii qazın alınması ilə bağlı müqavilə "Suriya Neft Şirkəti" (SPC) və "İordaniya Milli Elektrik Şirkəti" (NEPCO) arasında imzalanıb. Sazişin məqsədi Suriyanın elektrik enerjisi sistemini dəstəkləmək üçün İordaniya ərazisi vasitəsilə təbii qazın tədarükünü təmin etməkdir.

Türkiyə enerji təhlükəsizliyini şaxələndirmək məqsədilə Rusiyadan qaz idxalına dair mövcud müqavilələri bir il müddətinə uzadıb və paralel olaraq ABŞ qaz hasilatı sektoruna sərmayə yatırmağı planlaşdırır. Bunu energetika naziri Alparslan Bayraktar İstanbulda jurnalistlərə açıqlamasında bildirib.

Türkiyənin BOTAŞ şirkəti Konya şəhərinin Karatay rayonunda yerləşən Acıdort Pig Stansiyasında inşaat işləri ilə bağlı açıq tender elan edib.

Kəmərin fəaliyyətə başlaması ilə bağlı məlumat verib. Nazir bildirib ki, 6 fevral 2023-cü ildə baş verən zəlzələlər səbəbindən müvəqqəti olaraq dayandırılan kəmər 4 oktyabr 2023-cü ildə BOTAŞ tərəfindən operasiyaya hazır vəziyyətə gətirilib.

Türkiyənin Enerji və Təbii Sərvətlər naziri Alparslan Bayraktar, Rəcəb Tayyib Ərdoğan ilə ABŞ Prezidenti Donald Trampın Ağ Ev görüşü öncəsi mühüm enerji razılaşmasının imzalandığını açıqlayıb. Razılaşmaya əsasən, 2026-cı ildən başlayaraq hər il təxminən 4 milyard kubmetr, ümumilikdə isə 70 milyard kubmetr təbii qaz ekvivalenti LNG Türkiyəyə gətiriləcək. LNG həm ABŞ-dakı yükləmə terminallarından, həm də Türkiyə, Avropa və Şimali Afrikadakı qazlaşdırma mərkəzlərindən təhvil veriləcək.

Türkiyənin Enerji və Təbii Sərvətlər naziri Alparslan Bayraktar, İtaliyanın Milan şəhərində keçirilən Gastech 2025 tədbiri çərçivəsində milli enerji şirkəti BOTAŞ ilə beynəlxalq enerji ticarət şirkəti Hartree arasında yeni təbii qaz sazişinin imzalandığını açıqlayıb.

Türkiyə Enerji və Təbii Sərvətlər naziri Alparslan Bayraktar, Türkiyənin milli enerji şirkəti BOTAŞ ilə BP arasında yeni qaz təchizatı müqaviləsinin imzalandığını açıqlayıb. Nazirin verdiyi məlumata görə, 3 il müddətinə qüvvədə olacaq müqavilə çərçivəsində illik təxminən 1,6 milyard kubmetr, ümumilikdə isə 4,8 milyard kubmetr təbii qaz Türkiyəyə idxal ediləcək.

Türkiyənin BOTAŞ şirkəti “Kahramanmaraş Branşman-2” təbii qaz boru xətti layihəsi çərçivəsində polad boru satın alınması üçün tender elan edib. Tenderdə yerli və əcnəbi şirkətlər iştirak edə bilər. Məhsullar tenderin nəticələri açıqlandıqdan sonra 30 gün ərzində təhvil alınacaq.

Bu dəqiqələrdə Çinin Tiencin şəhərində Azərbaycan Respublikasının Prezidenti İlham Əliyevin Türkiyə Respublikasının Prezidenti Rəcəb Tayyib Ərdoğanla görüşü keçirilir. Görüşdə qardaşlıq və strateji müttəfiqliyə əsaslanan ikitərəfli əlaqələrimizin bütün sahələrdə, o cümlədən enerji, nəqliyyat sahələrində daha da genişlənməsindən məmnunluq ifadə olunub. Söhbət zamanı SOCAR ilə Türkiyənin Botaş şirkəti arasında əməkdaşlığa toxunulub və bu xüsusda Azərbaycan qazının Qətərin maliyyə dəstəyi ilə Türkiyə üzərindən Suriyaya çatdırılmasının önəmi qeyd edilib. Həmçinin Azərbaycanla Türkiyənin digər ölkələrdə birgə enerji layihələrinin icrasına dair məsələlər müzakirə olunub.

Türkiyə Respublikasının energetika və təbii sərvətlər naziri Alparslan Bayraktar Türkiyə-Suriya təbii qaz boru kəmərinin açılış mərasimində deyib.

Türkiyənin Enerji və Təbii Sərvətlər naziri Alparslan Bayraktar iki ölkə arasında enerji əməkdaşlığının genişləndirilməsinin vacibliyini vurğulayıb.