BAKI,VOA, Fərid Mikayılov

BOTAŞ tərəfindən Antalya Sənaye Bölgəsində yerləşən “Take-Off” vana stansiyası üzrə tikinti işlərinin görülməsi üçün açıq tender elan olunub.

Məlumata görə, layihə çərçivəsində təxminən 425 kvadratmetr ərazidə torpaq işləri, betonlama, betonarme yol və vana otağının inşası nəzərdə tutulur. İşlərin Antalya vilayətinin Döşemealtı rayonunda həyata keçirilməsi planlaşdırılır.

Tenderdə yerli və əcnəbi şirkətlər iştirak edə bilər. Qeyd olunur ki, layihənin icra müddəti yer təhvil verildikdən sonra 60 təqvim günü təşkil edir və müqavilə imzalandıqdan sonra 5 gün ərzində işlərə başlanacaq.

Tender iştirakçıları aşağıdakı meyarlara sahib olmalıdırlar:

- Türkiyə Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklər olmamalı;

- Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;

- Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalıdır.

Tender təklifinin təqdim edilməsinin son tarix vaxtı:

- Tender təklifləri 29 mart 2026-ci il tarixinə qədər "Eskişehir Yolu 23. km Yapracık PK:06790 Etimesgut/Ankara" ünvanına bağlı və küncləri möhürlənmiş zərflər şəklində təqdim edilməlidir