ABŞ və İsrailin İrana qarşı başlatdığı "Epic Fury" (Destansı Öfke) əməliyyatının ilk 36 saatına dair yayımlanan hərbi analizlər hücumların miqyasını və intensivliyini ortaya qoyur. Aparılan araşdırmalara görə, hücumların ilkin mərhələsində 3 mindən çox yüksək dəqiqlikli idarə olunan sursat və önləyici raketdən istifadə edilib. Bu qədər intensiv sursat sərfi Qərbin müdafiə sənayesinin tədarük zənciri və ehtiyatların yenilənməsi imkanları üzərində ciddi təzyiq yaradır. Analizlər göstərir ki, ABŞ ordusu əməliyyatın ilk 36 saatında təkcə GBU-31, GBU-32 və GBU-38 tipli JDAM idarəetmə dəstlərindən təxminən 250 ədəd istifadə edib.

İranda müvəqqəti Liderlik Şurası yeni ali liderin seçilməsi ilə bağlı proqramı hazırlamaq məqsədilə dördüncü dəfə bir araya gəlib. İran dövlət televiziyasının məlumatına görə, iclasda Milli Təhlükəsizlik Ali Şurasının baş katibi Əli Laricani də iştirak edərək son hərbi və siyasi proseslər barədə məlumat verib.

Tarix bu gün qlobal müharibələrin yeni mərhələyə keçdiyi, müstəqillik bəyannamələrinin verildiyi və böyük siyasi istefaların yaşandığı gündür. 6 mart – Xocalı soyqırımının ağır fəsadları və xalqın kütləvi etirazları fonunda Azərbaycan Respublikasının ilk Prezidenti Ayaz Mütəllibovun rəsmən istefa verdiyi (1992) tarixi gündür.

ABŞ prezidenti Donald Tramp İranla bağlı son açıqlamasında Tehranın regiondakı fəaliyyətini sərt tənqid edib. Donald Tramp İranın son hücumlarının regionda gərginliyi kəskinləşdirdiyini qeyd edib və Tehranın hadisələrlə birbaşa əlaqəsi olmayan ölkələri hədəf aldığını bildirib. Onun sözlərinə görə, İranın həyata keçirdiyi hücumlar zamanı əsasən mülki obyektlər və yaşayış məntəqələri zərər görür.

Ağ Ev bildirib ki, İspaniya ABŞ ordusu ilə əməkdaşlığa razılıq verib, lakin Madrid bu iddianı qəti şəkildə təkzib edib. Ağ Evin sözçüsü Karolin Livitt ABŞ Prezidenti Donald Trampın İspaniyaya ünvanladığı mesajdan sonra Madridin Vaşinqtonla hərbi əməkdaşlığa razılıq verdiyini iddia edib. Livitt açıqlamasında qeyd edib ki, İspaniya Trampın mesajını “açıq və aydın şəkildə eşidib” və ABŞ ordusu ilə əməkdaşlıq etməyi qəbul edib.

İran prezidenti Məsud Pezeşkian qonşu dövlətlərin liderlərinə müraciət edib. "Hörmətli dost və qonşu ölkələrin liderləri, sizin köməyinizlə və diplomatiya yolu ilə müharibədən yayınmağa çalışdıq. Lakin hərbi təcavüz bizə özümüzü müdafiə etməkdən başqa çarə qoymadı. Biz sizin suverenliyinizə hörmətlə yanaşırıq və regional sülhün region ölkələri tərəfindən təmin edilməli olduğuna inanmağa davam edirik", - paylaşımda qeyd olunur.

İrandan həm Azərbaycan, həm də digər ölkələrin vətəndaşlarının təxliyəsi davam edir. Belə ki, 361 Çin, 246 Rusiya, 224 Azərbaycan, 99 Tacikistan, 76 Pakistan, 46 Oman, 18 Səudiyyə Ərəbistanı, 9 Gürcüstan, 7 Belarus, 6 BƏƏ, 6 Slovakiya, 5 Serbiya, 4 İran 4 İordaniya, 4 İsveçrə,4, Nigeriya, 4 Yaponiya vətəndaşı təxliyə olunub.

Şahin Mustafayev İran tərəfinə başsağlığı verib.

İran mediası çərşənbə akşamı məlumat yayıb ki, ABŞ və İsrailin İrana qarşı başlatdığı genişmiqyaslı hərbi hücum zamanı iqamətgahına endirilən hava zərbələri nəticəsində həlak olan ali rəhbər Əli Xamenei ölkənin şimal-şərqində yerləşən Məşhəd şəhərində dəfn ediləcək.

ABŞ Prezidenti Donald Tramp "Politico" nəşrinə verdiyi müsahibədə fevralın 28-dən bəri davam edən İran-İsrail-ABŞ münaqişəsi ilə bağlı mühüm açıqlamalar verib. Trampın sözlərinə görə, İranın silah və raket potensialı ciddi şəkildə zəifləyib və hərbi resursları tükənməkdədir. Tramp bildirib ki, münaqişə bir neçə günə başa çata bilər və ya 4-5 həftə davam edə bilər. O, ABŞ-ın mühimmat ehtiyatlarının "sınırsız" olduğunu və müdafiə sənayesi şirkətlərinin fövqəladə vəziyyət rejimində istehsalı artırdığını vurğulayıb. "İranın raket buraxılış qurğuları bitmək üzrədir, bizim isə istehsal gücümüz bərpa olunur" – deyə Tramp əlavə edib.

Nazir İranın "mən batsam, bölgəni də özümlə apararam" strategiyasının həm Tehranın özü, həm də region üçün ağır nəticələr doğuracağını vurğulayıb. Hakan Fidan xüsusilə Körfəz ölkələrinin müharibənin qarşısını almaq üçün göstərdiyi səylərə diqqət çəkib: "Qətər, Küveyt, Oman və digər ölkələr bu müharibənin çıxmaması üçün böyük fədakarlıq etdilər. Lakin İranın heç bir fərq qoymadan vasitəçilik edən bu ölkələri bombalaması çox yanlışdır. İran özü hücuma məruz qaldıqca, dünya iqtisadiyyatı üçün kritik olan enerji infrastrukturuna zərbə vuraraq təzyiq rıçağı yaratmağa çalışır".

ABŞ-İsrail koalisiyasının İrana qarşı hava hücumlarının miqyası çərşənbə axşamı günü daha da genişlənib. Tehranın Körfəz ölkələrinə və Kiprdəki Britaniya hərbi hava bazasına raket və dron zərbələri endirməsi, həmçinin İsrailin "Hizbullah"ın hücumlarına cavab olaraq Livanı hədəf alması münaqişəni yeni mərhələyə daşıyıb. ABŞ Prezidenti Donald Tramp Ər-Riyaddakı ABŞ səfirliyini hədəf alan hücuma "tezliklə" cavab veriləcəyini təsdiqləyib. Səudiyyə Ərəbistanı Müdafiə Nazirliyinin məlumatına görə, səfirlik iki PUA ilə hücuma məruz qalıb, nəticədə məhdud yanğın və bəzi maddi zərərlər yaranıb.

Çərşənbə axşamı günü ABŞ-İsrail koalisiyasının İrana qarşı hava hücumlarının miqyası daha da genişlənib. Tehranın Körfəz ölkələrinə və Kiprdəki Britaniya hərbi hava bazasına raket və dron zərbələri endirməsi, həmçinin İsrailin "Hizbullah"ın hücumlarına cavab olaraq Livanı hədəf alması münaqişəni yeni və daha təhlükəli mərhələyə daşıyıb.

ABŞ Prezidenti Donald Tramp Birləşmiş Ştatların İrana qarşı əməliyyatının ilk günündə İranın ən yüksək vəzifəli 49 liderinin öldürüldüyünü açıqlayıb. Donald Tramp deyib ki, Ayətullah Əli Xamenei hücumun səhəri səhər yeməyində yaxın ətrafı ilə görüşüb. “Düşünürdük ki, İran rəhbərliyindən qurtulmaq üçün dörd həftə lazım olacaq. Bilirsiniz ki, onlar gizlənsələr bu, dörd həftədən daha uzun çəkir. Nə baş verdiyini eşidəndə şoka düşdük. Nə baş verdiyinə və harada baş verdiyinə dair dəqiq məlumatımız var idi”, - deyə Tramp əlavə edib.

Sofi Laqut Fransa vətəndaşlarının İrandan təxliyəsində köməyə görə Azərbaycana minnətdarlığını bildirib.

İranın Milli Təhlükəsizlik Ali Şurasının katibi Əli Laricani rəsmi bəyanatla çıxış edərək, ölkəsinin ABŞ-ın hava hücumlarına qarşı uzunmüddətli müqavimət göstərmək iqtidarında olduğunu bildirib. Pentaqonda keçirilən mətbuat konfransında ABŞ-ın Müdafiə naziri hərbi missiyanın prioritetlərini açıqlayıb. Nazir qeyd edib ki, əməliyyatın məqsədi İranda demokratiya qurmaq deyil, ölkənin hərbi infrastrukturunu, raket potensialını və hərbi dəniz donanmasını tamamilə sıradan çıxarmaqdır. Eyni zamanda, İranın nüvə silahına sahib olmaq imkanlarının tamamilə aradan qaldırılması əsas strateji hədəf kimi müəyyən edilib.

ABŞ Prezidenti Donald Tramp İrana qarşı davam edən hərbi kampaniya ilə bağlı yeni və kəskin bəyanatlar verib. Tramp əməliyyatın gedişatından məmnun olduğunu və əsas zərbənin hələ qarşıda durduğunu vurğulayıb. "Biz onları çox güclü vurmaq üzrəyik və əməliyyat çox yaxşı irəliləyir. Lakin böyük hücum dalğası hələ baş verməyib, o, tezliklə gələcək.Əməliyyatın çox uzun sürməsini istəmirəm. Hesab edirdim ki, bu, 4 həftə çəkəcək, lakin biz plandan daha sürətli hərəkət edirik."-deyə o bildirib.

İranın Ali Lideri Ayətullah Seyid Əli Xameneinin həyat yoldaşı Mənsurə Xocəstə Baqirzadə bu gün ölüb. Məlumata görə, İranın Ali Liderinin həyat yoldaşı 28 fevralda ABŞ və İsrailin hərbi hava hücumları nəticəsində komaya düşmüşdü. Qeyd edək ki, fevralın 26-da Cenevrədə İran və ABŞ arasında İranın nüvə proqramı ilə bağlı danışıqların üçüncü raundu keçirilib. ABŞ Prezidenti Donald Tramp administrasiyasında baş tutan görüş vəziyyətin diplomatik yolla tənzimlənməsi üçün son şans kimi qiymətləndirilirdi. Danışıqlarda konkret razılaşmalar əldə olunmayıb. Tehran uranın zənginləşdirilməsini dayandırmaqdan, nüvə obyektlərini demontaj etməkdən və nüvə proqramının inkişafına müddətsiz məhdudiyyətlər tətbiq etməkdən imtina edib. Fevralın 28-də səhər saatlarında İsrail və ABŞ İrana hərbi hava hücumlarına başlayıb.

İran İslam İnqilabı Keşikçilər Korpusu (SEPAH), İsrail Baş naziri Benyamin Netanyahunun ofisinə və İsrail Hərbi Hava Qüvvələri komandanlığının mənzil-qərargahına zərbələr endirildiyi barədə məlumat yayıb. Bu hücumlar İranın "Doğru vəd 4" əməliyyatının 10-cu mərhələsi çərçivəsində "Xeybər" raketləri ilə icra olunub. Mənbələr qeyd edir ki, İranın İsrail ərazisinə yönəlmiş raket hücumlarında əsas hədəflər strateji hökumət binaları olub.

Türkiyə Prezidenti Rəcəb Tayyib Ərdoğan, İsrail və ABŞ-ın İrana qarşı başlatdığı hücumlar və Tehranın cavab zərbələri ilə yaranan gərginlik çərçivəsində dünya liderləri ilə silsilə telefon görüşləri keçirib. Ərdoğan bu çərçivədə ABŞ Prezidenti Donald Tramp, Avropa Komissiyasının rəhbəri Ursula fon der Lyayen, həmçinin Qətər, BƏƏ, Səudiyyə Ərəbistanı və Küveyt liderləri ilə bölgədəki son vəziyyəti müzakirə edib.

İranın Milli Təhlükəsizlik Ali Şurasının baş katibi Əli Laricani, Vaşinqtonla müzakirələri yenidən başlatmaq təşəbbüsü ilə çıxış etdiyi barədə iddiaları təkzib edərək, ABŞ ilə heç bir danışıqlar aparmayacaqlarını bəyan edib. Laricani sosial media hesabından etdiyi açıqlamada "Wall Street Journal" (WSJ) qəzetinin onun Oman Sultanlığı vasitəsilə Vaşinqtonla əlaqə qurmağa çalışdığı barədə xəbərinə reaksiya verib. O, bu iddiaları paylaşaraq qısa və kəskin şəkildə "ABŞ-la müzakirə aparmayacağıq" ifadəsini işlədib.

ABŞ Prezidenti Donald Tramp "The New York Times" qəzetinə verdiyi müsahibədə İrana qarşı hərbi kampaniyanın gələcək perspektivləri və Vaşinqtonun strateji hədəfləri barədə mühüm açıqlamalar verib.

İran Bəhreyndə yerləşən ABŞ hərbi bazasına iki ballistik raket atıb. Bu barədə İslam İnqilabı Keşikçiləri Korpusunun (SEPAH) açıqlamasında bildirilib. Məlumata əsasən, hücum nəticəsində təxminən 560 nəfər ölüb və yaralanıb. Həmçinin qeyd olunub ki, bölgədəki digər ABŞ bazaları əvvəllər dəfələrlə hücuma məruz qalıb.

İsrail Tehrana qarşı yeni genişmiqyaslı hücuma başlayıb. Bu barədə İsrail Müdafiə Qüvvələrinin mətbuat xidməti məlumat yayıb. "İsrail Müdafiə Qüvvələri Tehranın mərkəzinə bir sıra hava hücumları həyata keçiriblər", - deyə bildirilib. Xatırladaq ki, fevralın 17-də Vaşinqton və Tehran arasında keçirilən nüvə danışıqlarının ikinci raundu irəliləyişsiz başa çatdıqdan sonra ABŞ İrana yaxın ərazilərdə mövcudluğunu artıraraq Avropa və Yaxın Şərqdəki bazalara 150-dən çox təyyarə yerləşdirib.