ABŞ-da son dövrlərdə itkin düşən və ya qeyri-müəyyən şəraitdə həyatını itirən alimlərlə bağlı iddialar geniş müzakirələrə səbəb olub. Məsələ ABŞ prezidenti Donald Trampın da diqqətinə çatdırılıb. Tramp hadisələrin əlaqəli olub-olmadığının araşdırılması üçün FTB-yə göstəriş verib və məsələnin “ciddi” olduğunu bildirib.

ABŞ prezidenti Donald Tramp İranla razılaşma əldə olunmaması halında ölkəyə qarşı hərbi əməliyyatların yenidən başlaya biləcəyini bildirib. O, İranın zənginləşdirilmiş uranının ölkədən çıxarılması məsələsinə toxunaraq ABŞ-nin bu prosesdə birbaşa iştirak edəcəyini qeyd edib:

İran ABŞ prezidenti Donald Trampın ölkənin zənginləşdirilmiş uranının ABŞ-yə daşınacağı ilə bağlı iddialarını təkzib edib. İran Xarici İşlər Nazirliyinin sözçüsü İsmayıl Bəqai televiziya proqramında çıxışı zamanı bildirib ki, bu məsələ nə gündəmdədir, nə də müzakirə mövzusu kimi irəli sürülüb.

17 aprel 2026-cı il tarixində İranın Hörmüz boğazını tamamilə ticarət gəmilərinin hərəkəti üçün açması qlobal iqtisadiyyatda və siyasətdə zəlzələ effekti yaradıb. İsrail və Livan arasında əldə olunmuş 10 günlük atəşkəs fonunda atılan bu addım, enerji bazarlarında son ayların ən kəskin qiymət düşüşünə (11%) səbəb olub. ABŞ Prezidenti Donald Trampın İranla genişmiqyaslı sazişə "çox yaxın" olduqlarını bəyan etməsi, regionda müharibə riskinin diplomatiya ilə əvəzlənməsi ehtimalını pik həddə çatdırıb.

İran bu gün, cümə günü, Livandakı atəşkəslə paralel olaraq Hörmüz boğazının dəniz naviqasiyası üçün tamamilə yenidən açıldığını elan etdi və bu, qlobal enerji bazarlarına dərhal təsir göstərdi. İranın Xarici İşlər naziri Abbas Araqçı bildirdi ki, boğaz atəşkəsin qalan müddəti ərzində bütün ticarət gəmiləri üçün tam açıqdır, lakin o, "keçidin İran Limanlar İdarəsi tərəfindən əvvəlcədən elan edilmiş marşrut üzrə həyata keçiriləcəyini" aydınlaşdırdı.

İranlılar görüşmək və razılığa gəlmək istəyirlər. Hesab edirəm ki, həftəsonu böyük ehtimalla görüş baş tutacaq. Yaxın bir-iki gün ərzində isə razılığın əldə olunması mümkündür. Bu bəyanatla Amerika Birləşmiş Ştatlarının Prezidenti Donald Tramp çıxış edib. O, bu fikirləri ABŞ-ın "Axios" xəbər platformasına verdiyi müsahibəsində səsləndirib. Prezident Tramp qeyd edib ki, Vaşinqton və Tehran nümayəndə heyətləri yekun sənədi imzalamaq üçün həftəsonu bir araya gələ bilərlər. O, əldə olunacaq razılaşmanın "İsrailin təhlükəsizliyini təmin edəcəyini" iddia edib. Bununla belə, Ağ Ev rəhbəri vurğulayıb ki, İranla yekun razılaşma əldə olunmadan ABŞ Hörmüz boğazında tətbiq etdiyi blokadanı qaldırmayacaq. Trampın sözlərinə görə, Hörmüz boğazı hər kəs üçün açıq olmalıdır.

İran Hörmüz boğazını bir daha əsla bağlamayacağını qəbul etdi. Artıq bura dünyaya qarşı bir silah kimi istifadə edilməyəcək. Bu sözləri Amerika Birləşmiş Ştatlarının Prezidenti Donald Tramp bildirib. O, boğazın Tehran rəhbərliyi tərəfindən tamamilə açıldığını qeyd edib. ABŞ lideri İran və Hörmüz boğazı ilə bağlı son prosesləri öz sosial media hesabındakı paylaşımı vasitəsilə qiymətləndirib.

İsrail artıq Livanı bombalamayacaq. ABŞ tərəfindən bunu etmələri qadağan edildi. Bu sözləri Amerika Birləşmiş Ştatlarının Prezidenti Donald Tramp bildirib. O, məsələ ilə bağlı mövqeyini "Artıq kifayətdir" ifadəsi ilə qəti şəkildə ortaya qoyub. ABŞ lideri bu diqqətçəkən bəyanatla özünə məxsus "Truth Social" sosial media platformasındakı paylaşımında çıxış edib.

Kuba Prezidenti Miqel Dias Kanel ABŞ-ın Kubaya qarşı hərbi hücum ehtimalının gündəmdə olduğunu bildirib. Paytaxt Havanada Kuba İnqilabının "sosialist xarakterinin" elan edilməsinin 65-ci ildönümü münasibətilə çıxış edən Kanel ABŞ ilə yaşanan gərginliyə toxunub. Kanel ABŞ-ın Kubaya hərbi müdaxilə ehtimalını vurğulayaraq qeyd edib ki, ölkəsi müharibə istəmir, lakin vəzifələri müharibənin qarşısını almaq üçün hazırlıqlı olmaq və əgər bu qaçılmaz olarsa, qalib gəlməkdir.

ABŞ Prezidenti Donald Tramp İsrail və Livanın 10 günlük atəşkəs barədə razılığa gəldiklərini açıqlayıb. Ağ Ev rəhbəri tərəflər arasında əldə olunmuş bu razılaşmanın bölgədəki gərginliyin azaldılması və humanitar vəziyyətin sabitləşməsi üçün mühüm bir addım olduğunu bildirib.

Donald Trump administrasiyasının iri avtomobil şirkətləri ilə hərbi texnika istehsalı üçün danışıqlar apardığı bildirilir. Bu çərçivədə administrasiya General Motors və Ford Motor Company kimi iri avtomobil istehsalçıları ilə əməkdaşlıq imkanlarını müzakirə edir. Bildirilir ki, müdafiə rəsmiləri şirkət rəhbərləri, o cümlədən Mary Barra və Jim Farley ilə görüşlər keçirib.

ABŞ Prezidenti Donald Tramp İsrail və Livan liderlərinin təxminən 34 ildən sonra ilk dəfə görüş keçirəcəyini açıqlayıb. Tramp özünün sosial media hesabında etdiyi paylaşımda, İsrail ilə Livan arasında "bir az nəfəs alma sahəsi" yaratmağa çalışdıqlarını qeyd edib. İki ölkə arasındakı görüşlə bağlı Tramp bu ifadələri işlədib: "İki liderin danışmasından uzun vaxt keçib, təxminən 34 il kimi."

ABŞ və İran arasında bölgədəki gərginliyi müvəqqəti dayandıran atəşkəs müddətinin uzadılması istiqamətində prinsipial razılıq əldə olunub. Aprelin 22-də başa çatması gözlənilən iki həftəlik atəşkəsin müddətinin artırılması diplomatik danışıqların daha da dərinləşdirilməsinə xidmət edir. Regional mənbələrin verdiyi məlumata görə, tərəflər nüvə proqramı, Hörmüz boğazındakı vəziyyət və müharibə təzminatları kimi mübahisəli mövzular üzərində müzakirələri davam etdirmək niyyətindədirlər.

ABŞ-ın vitse-prezidenti Cey Di Vens Prezident Donald Trampın İranla məhdud deyil, genişmiqyaslı razılaşma əldə etmək niyyətində olduğunu bildirib. Qeyd olunub ki, Vaşinqton İranın nüvə silahına malik olmamasını təmin edəcək razılaşma üzərində israr edir və bu istiqamətdə müzakirələr davam etdiriləcək.

ABŞ prezidenti Donald Tramp NATO ilə bağlı sərt açıqlama verib. Onun sözlərinə görə, alyans indiyə qədər ABŞ-ın yanında olmayıb və gələcəkdə də olmayacaq.

2026-cı ilin aprel ayında İranla hərbi gərginliyin artması və Hürmüz boğazının qapadılması qlobal neft bazarlarında xaos yaratsa da, bu böhranın pərdəarxasında dayanan ABŞ-ın maliyyə elitası tarixin ən böyük mənfəət dövrünü yaşayır. Donald Trampın "Biz çoxlu pul qazanırıq" etirafı, müharibənin təkcə hərbi deyil, həm də mürəkkəb bir "maliyyə mühəndisliyi" layihəsi olduğunu ortaya qoyur.

Ötən şənbə günü, 11 aprel 2026-cı ildə Pakistanın paytaxtı ABŞ və İran arasında birbaşa danışıqların ilk raunduna ev sahibliyi etdi. Bu görüş tərəflərin bir həftəlik atəşkəs barədə razılığa gəlməsindən sonra baş tutub və 2015-ci il Nüvə sazişindən bəri ilk, 1979-cu il İslam İnqilabından bəri isə ən yüksək səviyyəli birbaşa təmasdır. Dünyanın Donald Trampın "bütün sivilizasiyanı məhv etmək" təhdidinin gerisayışını izlədiyi bir vaxtda, bu tarixi sülh prosesini idarə edən şəxslər kimlərdir?

"New York Post" qəzetinin yaydığı məlumata görə ABŞ Prezidenti Donald Tramp yaxın iki gün ərzində Pakistan ərazisində İranla yeni danışıqların keçirilə biləcəyini açıqlayıb. ABŞ lideri tərəflərin bir araya gəlməsi üçün "Oraya getməyə daha çox meyilliyik" ifadəsini işlədib.

ABŞ Prezidenti Donald Trampın İranla davam edən hərbi münaqişə və ölkədaxili iqtisadi tənəzzül fonunda nümayiş etdirdiyi davranışlar Ağ Ev daxilində ciddi narahatlıq doğurur. Tanınmış jurnalist Anuşka Astana "iPaper" saytı üçün qələmə aldığı məqalədə prezidentin pərdəarxası görüntüsünü "panika və qarışıqlıq" içində təsvir edib. Yazıçının fikrincə, inflyasiyanın yüksəlməsi və yanacaq qiymətlərinin artması Trampın iqtisadi uğur hekayəsini darmadağın edərkən, prezidentin ritorikası daha aqressiv və qeyri-sabit xarakter almağa başlayıb.

Milli Miqrasiya Hakimləri Assosiasiyasının yaydığı məlumata görə, ötən həftənin əvvəlində 6, cümə günü isə daha 3 hakim vəzifəsindən kənarlaşdırılıb. Bununla da 2025-ci ilin yanvarından bəri işdən çıxarılan miqrasiya hakimlərinin sayı 113-ə çatıb. Assosiasiya bu qərarları "ixtiyari və əsassız" adlandıraraq, hakimlərin heç bir hüquqi prosedur və izahat verilmədən qovulduğunu bəyan edib.

Macarıstanda 16 illik fasiləsiz hakimiyyətdən sonra postunu tərk edən Viktor Orban təkcə öz ölkəsinin deyil, həm də qlobal sağçı hərəkatın və müasir siyasi idarəetmənin simasını köklü şəkildə dəyişmiş lider kimi tarixə düşür. Donald Trampın "ağıllı və qətiyyətli" olaraq xarakterizə etdiyi Orbanın tətbiq etdiyi "illiberal demokratiya" modeli bu gün ABŞ-dan Avropaya qədər geniş bir coğrafiyada yeni siyasi standart kimi qəbul edilməkdədir.

İtaliyanın Baş naziri Giorgia Meloni bazar ertəsi günü ABŞ Prezidenti Donald Trampın Papa XIV Leonu tənqid etməsini "qəbulolunmaz" adlandıraraq pisləyib. Meloni etdiyi açıqlamada Papanın Katolik kilsəsinin rəhbəri olduğunu və onun sülhə çağırış edərək müharibənin bütün formalarını qınamasının tamamilə normal olduğunu bildirib. Bu bəyanat Tramp və Avropa liderləri arasında körpü rolunu oynamağa çalışan Meloninin ABŞ prezidentinə qarşı nadir sərt çıxışlarından biri kimi qiymətləndirilir.

ABŞ Mərkəzi Komandanlığı (CENTCOM) İran limanlarına daxil olan və bu limanlardan çıxan bütün gəmilərə qarşı dəniz blokadasına başlayıb. Bundan əvvəl ABŞ Prezidenti Donald Tramp ABŞ hərbi dəniz donanmasının Hörmüz boğazına daxil olmağa və ya boğazdan çıxmağa çalışan bütün gəmilərin blokadaya alınması prosesinə başlayacağını bəyan etmişdi.

İran Prezidenti Məsud Pezeşkian ABŞ Prezidenti Donald Trampın müharibə əleyhinə mövqeyinə görə Papa XIV Leonu tənqid etməsini və özünü Həzrəti İsa şəklində təsvir etməsini kəskin pisləyib. Pezeşkian sosial şəbəkə hesabından etdiyi paylaşımda Papanı etiketləyərək bildirib ki, böyük İran milləti adına bu təhqiri qınayır və sülh peyğəmbəri olan İsanın müqəddəsliyinə hörmətsizlik azad insanlar üçün qəbulolunmazdır.