Bakı,AzerVoice
2023-cü ildə Qazaxıstan və Estoniya arasında qarşılıqlı ticarət dövriyyəsi qarşılıqlı ticarətin həcmi 2022-ci illə müqayisədə 29% artaraq157,5 milyona çatıb.
AzerVoice xəbər verir ki, bu barədə Qazaxıstan Xarici İşlər Nazirinin müavini Roman Vassilenko Tallində Estoniya Xarici İşlər Nazirliyinin baş katibi Conatan Vseviov və Riiqikoguda (Parlament) Estoniya-Qazaxıstan dostluq qrupunun sədri Vadim Belobrovtsev ilə görüşü zamanı bildirilib.
Məlumatda o da qeyd edilib ki, 1 yanvar 2024-cü il tarixinə Qazaxıstanda Estoniya kapitallı 74 şirkət fəaliyyət göstərir.
Bundan əlavə, Roman Vassilenko Qazaxıstan və Aİ arasında Genişləndirilmiş Tərəfdaşlıq və Əməkdaşlıq Sazişinin səmərəli həyata keçirilməsinə diqqət yetirməklə, Avropa İttifaqı ilə strateji tərəfdaşlığın əhəmiyyətini vurğulayıb.
