BAKI,VOA, Fərid Mikayılov
Birləşmiş Ərəb Əmirlikləri, Qətər, İordaniya, İndoneziya, Pakistan, Türkiyə, Səudiyyə Ərəbistanı və Misirin xarici işlər nazirləri Qəzza zolağında İsrailin davam edən əməliyyatları ilə bağlı birgə bəyanat yayıblar.
VOA xəbər verir ki, BƏƏ Xarici İşlər Nazirliyinin məlumatına görə, nazirlər Qəzza zolağında davam edən hadisələrlə bağlı ortaq mövqelərini ifadə edərək vəziyyətin daha da gərginləşməsindən narahat olduqlarını bildiriblər.
Bəyanatda beynəlxalq humanitar hüquqa riayət olunmasının vacibliyi vurğulanıb və mülki əhalinin qorunmasına çağırış edilib.
Sənəddə tərəflər Qəzzada humanitar vəziyyətin yaxşılaşdırılması, yardımın maneəsiz çatdırılması və bölgədə gərginliyin azaldılması istiqamətində beynəlxalq səylərin gücləndirilməsinin zəruriliyini qeyd ediblər.
Nazirlər davamlı sülhə nail olunmasının diplomatik səylərdən keçdiyini vurğulayıblar.