BAKI,VOA, Fərid Mikayılov

İsrailin Baş naziri Benyamin Netanyahu bildirib ki, bu gün Vaşinqtonda ABŞ Prezidenti Donald Trampla keçirəcəyi görüşdə əsas müzakirə mövzusu İran olacaq.

VOA xəbər verir ki, Netanyahu sosial şəbəkədə paylaşdığı açıqlamada qeyd edib ki, tərəflər gündəmdə olan bütün məsələləri müzakirə edəcəklər, lakin İran mövzusu danışıqların mərkəzində dayanacaq.

"İran başda olmaqla gündəmdə olan bütün məsələləri müzakirə edəcəyik. Məqsədimiz aydındır – İsrailin təhlükəsizliyini qorumaq, onun gücünü artırmaq və ətrafımızda sülh dairəsini genişləndirməkdir", – deyə Netanyahu bildirib.

İsrailin baş naziri vurğulayıb ki, bu səfər Donald Trampın ikinci prezidentlik dövrü başlayandan bəri onların səkkizinci görüşü olacaq. Onun sözlərinə görə, bu, Trampın hər hansı digər xarici liderlə keçirdiyi görüşlərin sayından daha çoxdur.

Netanyahu əlavə edib ki, səfərinin digər məqsədlərindən biri də İsrailin yaxın dostlarından biri kimi xarakterizə etdiyi ABŞ senatoru Lindsi Qrehemin xatirəsini yad etməkdir.