BAKI,VOA, Fərid Mikayılov
İspaniya Xarici İşlər naziri Xose Manuel Albares bildirib ki, Qəzzaya doğru yola çıxan Azadlıq Flotiliyasında iştirak edən 44 fəal İsraildən İspaniyaya deportasiya olunacaq.
VOA xəbər verir ki, onların Türkiyə üzərindən İspaniyaya göndərilməsi planlaşdırılır.
Qeyd edək ki, bu həftə beynəlxalq sular üzərində fəalların saxlanılmasından sonra İspaniya İsrailin hərbi əməliyyatını beynəlxalq hüquqa zidd olaraq “qanunsuz” adlandırıb və vətəndaşlarının dərhal sərbəst buraxılmasını və təhlükəsiz şəkildə geri qaytarılmasını tələb edib.
Eyni zamanda, İsrailin Ben-Gvir naziri tərəfindən saxlanılan fəalların zorakılıqla üzləşdiyi videonun yayılmasından sonra İspaniya İsrailin səfirini çağırıb və hadisəni “dəhşətli” və “alçaldıcı” adlandırıb.