BAKI,VOA, Fərid Mikayılov
Çin hökuməti mayın 9-dan etibarən benzin və dizel yanacağının pərakəndə satış qiymətlərini artıracaq.
VOA xəbər verir ki, benzinin qiyməti hər ton üzrə 320 yuan, dizel yanacağının qiyməti isə 310 yuan artırılacaq.
Bildirilib ki, qərar ölkədə həyata keçirilən növbəti yanacaq qiymətləri tənzimlənməsi çərçivəsində qəbul edilib.
Qeyd olunub ki, Çin aprel ayında İranla müharibə və Hörmüz boğazının bağlanması səbəbindən qlobal neft qiymətlərində yaranan artımın təsirini azaltmaq üçün yanacaq qiymətlərini aşağı salmışdı. Hazırkı qərar isə qiymət limitlərinin yenidən artırılması mərhələsinə keçidi göstərir.