BAKI,VOA, Fərid Mikayılov
ABŞ Federal Təhqiqat Bürosunun Kaliforniya ştatında fəaliyyət göstərən polis qurumlarını İran tərəfindən mümkün pilotsuz uçuş aparatları hücumu barədə xəbərdar etdiyi iddia olunur.
VOA xəbər verir ki, məlumata görə, iddia edilən hücumun dəqiq vaxtı, həyata keçirilmə üsulu və iştirakçıları barədə əlavə məlumat təqdim olunmayıb.
Kaliforniya qubernatoru Gavin Nyusomun ofisi bildirib ki, ştatın Fövqəladə Hallar Xidmətləri idarəsi əhalinin təhlükəsizliyini təmin etmək üçün federal, yerli və ştat səviyyəli təhlükəsizlik qurumları ilə koordinasiyalı şəkildə işləyir.
Los-Anceles Şerif Departamenti isə açıqlamasında qlobal təhlükəsizlik mühitində baş verən son hadisələr fonunda yüksək hazırlıq vəziyyətində olduqlarını vurğulayıb.
Departamentin məlumatına görə, dini mərasimlər və ictimai tədbirlər nəzərə alınaraq ibadət məkanları, mədəniyyət mərkəzləri və digər vacib obyektlərin ətrafında patrul xidmətlərinin sayı artırılıb.