BAKI,VOA Orxan Qədirzadə

2026-cı ilin yanvar–iyun aylarında Türkiyədə Çin kapitallı 98 yeni şirkət qeydiyyata alınıb. Bu, ötən ilin eyni dövrü ilə müqayisədə 12 şirkət və ya təxminən 14 faiz çoxdur.

Bu barədə VOA-ya Türkiyə Ticarət və Sənaye Palatasından (TOBB) məlumat verilib.

Qurumdan bildirilib ki, hesabat dövründə Türkiyədə qeydiyyata alınan Çin kapitallı şirkətlərin ümumi nizamnamə kapitalı 356 milyon 86 min 812 türk lirəsi təşkil edib. 2025-ci ilin eyni dövründə bu göstərici 343 milyon 805 min türk lirəsi olub.

TOBB-un məlumatına görə, 2026-cı ilin ilk altı ayında qeydiyyata alınan Çin kapitallı şirkətlərin böyük hissəsi – 69 şirkət İstanbulda fəaliyyətə başlayıb.

"İstanbulda qeydiyyata alınan Çin şirkətlərinin ümumi kapitalı 188 milyon 172 min 812 türk lirəsi təşkil edib", – deyə qurumdan bildirilib.

Məlumata əsasən, bu ilin yanvar–iyun aylarında Türkiyədə yaradılan Çin kapitallı şirkətlərin 51-i ticarət sektorunda qeydiyyata alınıb. Digər şirkətlər isə sənaye, logistika, xidmət, istehsal, informasiya texnologiyaları və iqtisadiyyatın müxtəlif sahələrində fəaliyyət göstərir.