BAKI, AzerVoice

İsrailin Qəzzada mülki əhaliyə qarşı hücumları beynəlxalq ictimaiyyətdə sərt reaksiyalara səbəb olarkən, bir çox Qərb ölkəsi Fələstin dövlətini tanımayacaqlarını açıqlamışdı. Lakin Yunanıstan Baş naziri Kiryakos Miçotakis Selanikdə keçirilən 89-cu Beynəlxalq Sərgi çərçivəsində verdiyi açıqlama ilə diqqət çəkib.

AzerVoice xəbər verir ki, Miçotakis Yunanıstanın Fələstin dövlətini tanıyacağını vurğulayıb.

“Buradakı əsas məsələ nə vaxt, hansı şəkildə və hansı zamanlamanı düzgün seçəcəyimizdir.”-deyə o qeyd edib.
Baş nazir əlavə edib ki, nihai məqsəd iki dövlətli həll modelidir.

Miçotakis həmçinin Yunanıstanın İsraillə yaxın münasibətlərinə baxmayaraq, Qəzzada baş verənləri sərt şəkildə tənqid etdiklərini deyib.

“Bu yaxınlıq, İsrailin Qəzzada apardığı əməliyyatları və müharibənin yol açdığı ölümləri sərt şəkildə tənqid etməyimizə mane olmadı.”-deyə o əlavə edib.

Xatırladaq ki, İsrailin son açıqlamalarında Fələstin dövlətinin tanınması barədə qərarların “İsrailin birtərəfli addımlar atmasına səbəb ola biləcəyi və bunun böyük səhv olacağı” ifadəsi işlədilmişdi.