BAKI, AzerVoice
Ukraynaya NATO vasitəsilə yönəldiləcək hərbi yardımın həcmi milyardlarla dollar təşkil edəcək.
AzerVoice xəbər verir ki, bunu ABŞ Prezidenti Donald Tramp, Ağ Evdə NATO Baş katibi Mark Rutte ilə keçirilən görüş zamanı deyib.
“Bu açıqlamanın məqsədi ondan ibarətdir ki, biz çox böyük bir razılaşma əldə etmişik. Milyardlarla dollar dəyərində hərbi texnika ABŞ-dan alınacaq, NATO-ya və digər müttəfiqlərə göndəriləcək və tezliklə döyüş meydanında olacaq. Ukrayna bu texnikanı qəbul edəcək” - deyə, Tramp bildirib.
Trampın sözlərinə görə, bu yardım həm ABŞ müdafiə sənayesi üçün mühüm qazanc olacaq, həm də Ukraynanın müdafiə qabiliyyətini artıracaq.