BAKI, AzerVoice
ABŞ Prezidenti Donald Tramp bəyan edib ki, Vaşinqton administrasiyası Rusiya və onun ticarət tərəfdaşlarına qarşı təxminən 100 faiz həcmində idxal rüsumları tətbiq etməyi planlaşdırır.
AzerVoice xəbər verir ki, bu barədə Tramp NATO-nun baş katibi Mark Rutte ilə Ağ Evdə keçirdiyi görüşdə bildirib.
O qeyd edib ki, bu tədbir, əgər Moskva və Vaşinqton Ukraynadakı münaqişənin həlli ilə bağlı 50 gün ərzində razılığa gəlməzsə, həyata keçiriləcək.
"Biz Rusiya tərəfi ilə bağlı çox-çox narazıyıq və əgər bu 50 gün ərzində razılaşma əldə olunmasa, çox sərt rüsumlar tətbiq edəcəyik. Təxminən 100 faiz. Bunlara ikinci dərəcəli rüsumlar da demək olar" – deyə, Tramp vurğulayıb.
Tramp əlavə edib ki, təxminən iki ay əvvəl bu mövzuda razılaşmanın əldə olunacağını düşünürdü.