BAKI, AzerVoice
İran İsrailin Mehrabad hava limanına gecə hücumu zamanı uçuş-enmə zolaqlarının zədələnmədiyini bildirib.
AzerVoice xəbər verir ki, İranın rəsmi xəbər agentliyi İRNA paytaxt Tehranın Mehrabad hava limanına edilən hücumun təfərrüatlarını paylaşıb.
Hücumun arxada olan avtomobil avadanlığı binasını və döyüş təyyarəsi anqar sahəsini hədəf aldığı, uçuş-enmə zolaqları, əsas binalar və hava limanı obyektləri sahəsində heç bir zərərin olmadığı bildirilib.
Qeyd edək ki, İyunun 13-də İsrail İranın müxtəlif şəhərlərindəki nüvə obyektlərini, eləcə də ordunun yüksək komandanlığını hədəf alan irimiqyaslı hücumlara başlayıb.
Hücumlarda İranın Baş Qərargah rəisi, İnqilab Keşikçiləri Korpusunun Baş Komandanı, bəzi yüksək səviyyəli komandirlər və 9 nüvə alimi həyatını itirərkən, mülki itkilərin ümumi sayının 78 olduğu açıqlanıb.
İran ordusunun İsrailə ballistik raketlərlə cavab hücumu nəticəsində azı 63 nəfər yaralanıb.
Başda Türkiyə olmaqla bir çox ölkə İsraili qınayıb.