BAKI, AzerVoice

Fransa prezidenti Emmanuel Makron və NATO-nun baş katibi Mark Rutte telefonla Rusiya-Ukrayna müharibəsini və NATO-nun bu ay keçiriləcək sammitini müzakirə ediblər.

AzerVoice xəbər verir ki, açıqlamada bildirilib ki, Rusiya Prezidenti Vladimir Putinin, ABŞ Prezidenti Donald Tramp tərəfindən başladılan və Ukraynanın dəstəklədiyi ədalətli və davamlı sülh səylərinə qoşulmaqdan imtina etməsi görüş zamanı gündəmə gəlib.

Həmçinin qeyd olunub ki, Fransa Prezidenti Emmanuel Makron Könüllülər Koalisiyasının əhəmiyyətini vurğulayıb və ölkəsinin ordusunun NATO-nun şərq cinahında müdafiə və çəkindirmə vəzifəsini daimi şəkildə yerinə yetirdiyini bildirib.

Makron ilə Rutte arasında keçirilən görüşdə 24–25 iyun tarixlərində Niderlandda keçiriləcək NATO Zirvəsi ilə bağlı əsas mövzular və bütün müttəfiq ölkələrin müdafiə xərclərini artırmasının vacibliyi müzakirə olunub.

Bundan əlavə, açıqlamada qeyd edilib ki, Makron, Rutte vəzifəyə başladıqdan sonra Alyansın əsas missiyası olan Avro-Atlantik bölgəsində birgə müdafiənin gücləndirilməsinə dair səylərini məmnunluqla qarşılayıb.