BAKI, AzerVoice
Qəzzada atəşkəs razılaşması əldə olunmaq üzrədir.
AzerVoicexəbər verir ki, ABŞ
prezidenti Donald Tramp İsraillə HƏMAS arasında atəşkəs
razılaşmasının əldə olunmasına çox az qaldığını bildirib.
Onun sözlərinə görə, prosesin nəticəsi bu gün və ya sabah açıqlana
bilər.
Tramp bu açıqlamanı Ağ Evdə təşkil edilən İlon Maskla vida
mərasimində çıxışı zamanı verib.
“Qəzzada atəşkəs razılaşmasına çox yaxındırlar. Bunun nəticəsini bu
gün və ya sabah sizə bildirəcəyik. Bunun üçün real şansımız var.” -
deyə o bildirib.
Prezident əlavə edib ki, İsrailin dəstəklədiyi planla bağlı HƏMAS-ın cavabı gözlənilir. Eyni zamanda Tramp İranla nüvə razılaşmasına da yaxın zamanda nail olunacağına ümid etdiyini bildirib.