BAKI, AzerVoice

ABŞ prezidenti Donald Tramp İstanbulda keçiriləcək danışıqlarda iştirak etməyəcəyini , lakin yaxın həftələrdə qlobal təhlükəsizliyin yaxşılaşacağını vəd edib.

AzerVoice xəbər verir ki, Yaxın Şərq turunu başa vurmağa hazırlaşan Tramp bu sözləri, Ukrayna prezidenti Vladimir Zelenskinin Rusiya lideri Vladimir Putinə etdiyi açıq dəvətin ardından səsləndirib.

“Körfəz turundan sonra vətənə qayıdıram. Rusiya və Ukrayna məsələsində nə baş verəcəyini görəcəyik. Əgər mümkün olsa, Putinlə ən qısa zamanda görüşəcəyik. İnanıram ki, dünya 2-3 həftəyə daha təhlükəsiz bir yer olacaq. Qəzzadakı vəziyyəti də həll edəcəyik”, – deyə bəyan edib.

Qeyd edək ki, Zelenski "Cümə axşamı İstanbulda olacağam, üz-üzə görüşməyə hazıram" sözləri ilə Putini birbaşa dialoqa çağırmışdı. Tramp isə bu təşəbbüsə dəstək verərək, əgər Putin görüşə razılıq versə, Yaxın Şərq turunu yarımçıq qoyaraq özü də İstanbula gəlməyə hazır olduğunu bildirmişdi.

Onu da qeyd edək ki, İstanbulda bu gün Türkiyə, ABŞ və Ukrayna arasında, eləcə də Türkiyə, Rusiya və Ukrayna arasında ayrı-ayrılıqda üçtərəfli görüşlərin keçirilməsi nəzərdə tutulub.