BAKI, AzerVoice
Tramp Netanyahu ilə əlaqələri kəsib.
AzerVoice xəbər verir ki, ABŞ-ın sabiq
prezidenti Donald Tramp İsrailin baş naziri Benyamin Netanyahu ilə
əlaqələrini dayandırmaq qərarına gəlib.
Bu barədə məlumatı İsrail Ordusu Radiosunun müxbiri Yanir Cozin
sosial media hesabında paylaşıb.
Cozin yazır ki, Trampın bu qərarı Netanyahunun onu manipulyasiya etməyə çalışdığına dair artan fikirlər fonunda verilib. İsrailli bir rəsmiyə istinad edən jurnalist bildirib ki, Tramp Netanyahu ilə əlaqəni kəsmək qərarını onunla “oynanıldığını” düşündüyü üçün verib:. “Tramp nifrət etdiyi ən böyük şey, kənardan idarə olunan biri kimi görünməkdir” - deyə o bildirib.
Eyni zamanda qeyd olunub ki, İsrailin Strateji İşlər naziri Ron Dermerin Respublikaçı senatorlarla apardığı danışıqlar və Trampa necə davranmalı olduqları ilə bağlı “təkəbbürlü məsləhətləri” də geri tepdiyi üçün vəziyyəti daha da gərginləşdirib.
Yanir Cozin həmçinin qeyd edib ki, Trampın İsraillə münasibətlərində yaranan bu gərginliyin səbəblərindən biri də Tel-Əvivin İran və Husi hərəkatına qarşı konkret hərbi planlar və vaxt cədvəli təqdim etməməsidir. O, Netanyahu hökumətinin Qəzza ilə bağlı da aydın təkliflərlə çıxış etmədiyini bildirərək, “Bunu Qəzzada da görəcəyik” deyə əlavə edib.