Bakı, AzerVoice
Papa İndoneziyaya səfər edəcək.
AzerVoice xəbər verir ki, bu səfər bölgədəki müsəlman xristian birliyini təmin etmək məqsədi daşıyır.
Başlanğıcını İndoneziyadan alan, Papua Yeni Qvineya, Şərqi Timor və Sinqapura qədər davam edəcək olan bu səfər Papalıq dövrünün ən uzun və ən uzaq səfəri olaraq tarixə düşəcək.
Bu səfərlə Fransisk İndoneziyanı ziyarət edən üçüncü katolik kilsə lideri olacaq.
Papa səfər çərçivəsində Asiyada Katolikliyin təbliğinə dəstək verən siyasətçilərlə və din xadimləri ilə görüşəcək.
Fransiskin Cənub-Şərqi Asiyanın ən böyük məscidi olan Cakartadakı “İstiqlal” məscidini ziyarət edəcəyi və bu ziyarət zamanı İndoneziyanın məşhur altı din xadimi ilə görüşəcəyi bildirilir.
Qeyd edək ki, Asiyanın üçüncü ən böyük katolik topluluğu İndoneziyada yaşayır.
