Bakı, VOA:

İsrailin Fələstin administrasiyası adına toplanan vergiləri ələ keçirməsi doğru deyil və vergi pulları dərhal Fələstin rəhbərliyinə geri qaytarılmalıdır.

VOA xəbər verir ki, bu sözləri ABŞ Dövlət Departamentinin mətbuat katibi Metyu Miller gündəlik mətbuat konfransında jurnalistlərin suallarını cavablandırarkən deyib.

İsrailin maliyyə naziri Bezalel Smotriç tərəfindən fələstinlilərə aid pulların müsadirə edilməsi ilə bağlı "Biz İsrail hökumətinə bu vəsaitlərin Fələstin xalqına aid olduğunu açıq şəkildə bildirdik. Onlar dərhal Fələstin rəhbərliyinə təhvil verilməlidir". - deyə Miller bildirib.

“Fələstin xalqının öz vəsaitlərini əldə etmək və hökumətini maliyyələşdirmək imkanına malik olması vacibdir” deyə əlavə edən Miller, Smotriçin müsadirə qərarının "çox böyül səhv" olduğunu vurğulayıb. O belə bir qərarın təkcə Fələstin xalqına deyil, həm də “İsrailin maraqlarına” zərər vurduğunu bildirib.

Miller həmçinin qeyd edib ki, Fələstin Administrasiyası bu illər ərzində və xüsusən də oktyabrın 7-dən etibarən İordan çayının qərb sahilində əmin-amanlıq və sabitliyi qorumaq üçün inanılmaz dərəcədə çalışıb və İsrail hökumətinin bu cür hərəkəti İordan çayının qərb sahilində sabitliyi pozmaq və İsrailin öz təhlükəsizliyinə zərər vurma riski daşıyır.

Qeyd edək ki, iyunun 11-də İsrailin ifrat sağçı maliyyə naziri Bezalel Smotrich Fələstin hökuməti adından İsrail tərəfindən toplanan vergilərədən 130 milyon şekel (təxminən 35 milyon dollar) tutulmasına və bu pulun Fələstinlilər tərəfindən həyata keçirlən hücumlarda öldürüldüyü iddia edilən israilli ailələrə köçürülməsinə göstəriş verib.