Bakı, AzerVoice
ABŞ-da qızılca epidemiyası 12 ştata yayılıb.
AzerVoice xəbər verir ki, bu haqda ABŞ Xəstəliklərə Nəzarət və Qarşısının Alınması Mərkəzinin (CDC) verdiyi açıqlamada deyilir.
Açıqlamada qeyd olunub ki, qızılca epidemiyasına ümumilikdə 222 yoluxma halı qeydə alınıb. Texasda bir uşağın, Nyu-Meksikoda isə bir yetkin şəxsin həyatını itirdiyi bildirilib. Yoluxmalar əsasən Texas və Nyu-Meksiko ştatlarında olsa da, Alyaska, Kaliforniya, Florida, Corciya, Kentukki, Nyu Cersi, Nyu York, Pensilvaniya, Rod-Aylend və Vaşinqtonda da qızılcaya yoluxma halları qeydə alınıb.
Texas 198 yoluxma halı ilə birinci yerdə, Nyu-Meksiko isə 10 hadisə ilə ikinci yerdə qərarlaşıb.
Epidemiyanın yayılmağa davam etdiyi və gələcək günlərdə yoluxma sayının artacağı gözlənilir.