Bakı, VOA
Rusiyanın enerji şirkəti “Qazprom”un prezidenti Aleksey Miller 2027-ci ildə illik 10 milyard kubmetr təbii qazın Uzaq Şərq marşrutu ilə Çinə nəqlinə başlayacaqlarını açıqlayıb. “
VOA xəbər verir ki, Miller verdiyi yazılı açıqlamada Çində təbii qaz tələbatının artmasının davam edəcəyini bildirib.
“Sibirin Gücü və Uzaq Şərqin qaz kəmərləri tam potensialına çatdıqda Rusiya Çinin ən böyük qaz tədarükçüsü olacaq”, – Miller deyib.
Qazprom-un Sibirin Gücü xətti ilə Çinə təbii qaz nəqlinin “sistemli şəkildə” artdığına diqqət çəkən Miller, “Gələn il xətt tam gücünə çatdıqda, ildə 38 milyard kubmetr qaz nəql ediləcək. Bu ilin əvvəlindən biz Çin istehlakçılarına rekord səviyyədə gündəlik qaz tədarükünü həyata keçirmişik”- deyə əlavə edib.
Həmçinin, o İllik 10 milyard kubmetr qaz tutumu ilə Uzaq Şərq marşrutunun 2027-ci ildə aktivləşdiriləcəyini bildirib.
Onu da əlavə edək ki, Orta Asiya ölkələrində də enerji tələbatının artacağına diqqət çəkən Miller, “Ortaq məqsədimiz təbii qaz nəql potensialını böyütmək və Orta Asiyada istehlakçılara etibarlı, uzunmüddətli qaz tədarükünü təmin etməkdir” – deyə vurğulayıb.
Miller, ötən il Orta Asiya-Mərkəzi Xəttlə vasitəsiylə Özbəkistana ilk təbii qaz nəqlinə başladıqlarını qeyd edib.
Qeyd edək ki, Qazprom 1999-cu ildən bəri ilk dəfə ili zərərlə bağlasa da, şirkət Avropada yaşadığı bazar itkisini kompensasiya etmək üçün ixrac bazarlarını diversifikasiya etməyə çalışır
Hafiz Rufizoğlu