BAKI,VOA,Yusif Şərifzadə
Livan Prezidenti Cozef Aun Birləşmiş Ərəb Əmirliklərinin Prezidenti Məhəmməd bin Zayed Al Nəhyan ilə telefon danışığı apararaq ölkədəki vəziyyəti və İsrail ilə imzalanmış çərçivə sazişini müzakirə edib.
VOA xəbər verir ki, bu barədə Livan prezidentinin mətbuat xidməti məlumat yayıb.
Bildirilib ki, Məhəmməd bin Zayed Al Nəhyan Prezident Aunun və Livan hökumətinin mövqeyini dəstəklədiyini təsdiqləyib.
O, Birləşmiş Ərəb Əmirliklərinin Livana siyasi, iqtisadi və sosial sahələrdə dəstək göstərməyə hazır olduğunu və ölkənin çətin dövrü arxada qoymasına kömək edəcəyini vurğulayıb.
Livan prezidenti isə BƏƏ-nin göstərdiyi dəstəyə görə təşəkkürünü ifadə edib.
Qeyd edək ki, Vaşinqtonda İsrail və Livan arasında keçirilən beşinci birbaşa danışıqlar raundundan sonra tərəflər arasında çərçivə sazişi imzalanıb.