Livan Prezidenti Cozef Aun İsraillə danışıqlar aparmaq qərarını müdafiə edərək bu siyasətdən geri çəkilməyəcəyini açıqlayıb. O bildirib ki, hökumətin mövqeyi Livanın milli maraqları və suverenliyinin qorunması prinsiplərinə əsaslanır. Aun qeyd edib ki, danışıqlar prosesinin məqsədi Livan xalqına aydın şəkildə izah edilməli və atılan addımlar şəffaf olmalıdır. ABŞ vasitəçiliyi ilə İsrail və Livan arasında əldə olunan çərçivə razılaşması ölkə daxilində ciddi müzakirələrə səbəb olub. Razılaşmanın tərəfdarları onun gərginliyin azaldılmasına kömək edə biləcəyini düşünürlər. Tənqidçilər isə sənədin Livanın İsrail qarşısında mövqeyini zəiflədə biləcəyini iddia edirlər. Prezident Aunun açıqlaması Livanda İsraillə münasibətlər və təhlükəsizlik siyasəti ətrafında davam edən siyasi mübahisələr fonunda verilib.

Ağ Ev Livan Prezidenti Jozef Aunu iyulun 21-də ABŞ-a rəsmi səfərə dəvət edib. Bu barədə Ağ Evin rəsmisi məlumat verib. Bildirilib ki, dəvət ötən ay Vaşinqtonda ABŞ-ın vasitəçiliyi ilə keçirilən danışıqlardan sonra İsrail və Livan arasında imzalanmış çərçivə sazişinin ardınca göndərilib. Həmin danışıqlar İsrail ilə İranın dəstəklədiyi "Hizbullah" silahlı qruplaşması arasında döyüşlərin dayandırılmasına yönəlmişdi.

Livan Prezidenti Cozef Aun İsrailin Livanın cənubunda hərbi mövcudluğunu davam etdirməsini tənqid edib. Onun sözlərinə görə, bu vəziyyət Livan ordusunun bölgədə tam yerləşdirilməsinə mane olur. Prezident hesab edir ki, bu, atəşkəs razılaşmasının məqsədlərinə uyğun deyil. Açıqlama İsrailin Livanın cənubuna endirdiyi son hava zərbələri fonunda verilib. Həmin hücumlar nəticəsində azı dörd nəfərin öldüyü bildirilir. Cozef Aun ölkədə vətəndaş müharibəsi təhlükəsinin olmadığını da vurğulayıb. O, bəzi təxribat cəhdlərinin mövcudluğunu qeyd etsə də, Livan xalqının yeni daxili qarşıdurmaya imkan verməyəcəyini bildirib. Bölgədə gərgin vəziyyət davam edir.

Livan prezidenti Cozef Aun ABŞ-dan ölkəsinə dəstəyin davam etdirilməsini istəyib. O, Donald Trampa ünvanladığı mesajda Livanın dövlət institutları və ordusuna dəstək çağırışı edib. Aun ölkənin müharibələr səhifəsini bağlamaq istədiyini bildirib. Rəsmi dairələr Livanın sülh və sabitlik mərhələsinə keçmək niyyətində olduğunu vurğulayır. Eyni zamanda Hizbullahın silahsızlaşdırılması planı ölkədə narahatlıq yaradıb. Bu prosesin yeni daxili gərginliklərə səbəb ola biləcəyi qeyd edilir. Hizbullah isə razılaşmanı rədd edib.

Livan Prezidenti Cozef Aun İsrail ilə imzalanmış çərçivə razılaşmasının işğalı qanuniləşdirmədiyini bildirib. Onun sözlərinə görə, sənəd Livan ordusunun bütün ölkə ərazisində dövlət hakimiyyətini bərpa etməsini nəzərdə tutur. Razılaşmaya əsasən, dövlətə tabe olmayan silahlı qrupların tərksilahı təsdiqləndikdən sonra İsrail qüvvələri mərhələli şəkildə geri çəkilməlidirlər. Cozef Aun bildirib ki, "Hizbullah" danışıqlarda iştirak etməyib. Prezident Livan ordusunun cənub bölgəsində təhlükəsizliyi tam təmin edəcəyini vurğulayıb. O, razılaşmanın ölkənin suveren hüquqlarına zidd olmadığını qeyd edib. Bəyanat Livanda davam edən müzakirələr fonunda səsləndirilib.

Livanın dürzi icmasının lideri və Proqressiv Sosialist Partiyasının sabiq sədri Valid Cumbulat Livan ilə Suriya arasında münasibətlərdə yeni səhifənin açılmasının vacibliyini bəyan edib. O, bu fikirləri Suriyanın xarici işlər naziri Əsəd əş-Şeybaninin Beyruta rəsmi səfəri çərçivəsində keçirilən görüşdən sonra səsləndirib.

Livan Prezidenti Cozef Aun İsraillə aparılan danışıqları müdafiə edərək ölkənin ərazi bütövlüyündən geri çəkilməyəcəklərini bəyan edib. O bildirib ki, Livan torpağının bir qarışından belə imtina edilməyəcək. Prezidentin sözlərinə görə, çərçivə razılaşması ölkənin hüquqlarını və milli maraqlarını qorumağa xidmət edir. Cozef Aun Livanın uzun illər davam edən müharibələr dövründən çıxmasının vaxtı çatdığını vurğulayıb. O, dövlət qərarlarına hörmət göstərilməsinin vacibliyini də qeyd edib. Bu arada, hökumət İsraillə əldə olunan razılaşmaya görə daxildə tənqidlərlə üzləşməkdə davam edir. Məsələ Livanda siyasi müzakirələrin əsas mövzularından biri olaraq qalır.

Livan Prezidenti Cozef Aun İsraillə imzalanmış çərçivə sənədini müdafiə edib. O bildirib ki, bu sənəd saziş deyil və Livan öz hüquqi, siyasi və hərbi prinsiplərindən geri çəkilməyib. Prezident ölkənin İsraillə bağlı qərarları suveren dövlət kimi qəbul etdiyini vurğulayıb. Aun daxili qarşıdurmanın yolverilməz olduğunu bildirərək vətəndaşları küçə etirazlarından çəkinməyə çağırıb. Çərçivə sənədində İsrailin Livanın cənubundan çıxmasının mərhələli şəkildə həyata keçirilməsi nəzərdə tutulur. Bu proses Hizbullahın silahsızlaşdırılması ilə əlaqələndirilir. Müzakirələr Livanda siyasi gündəmin əsas mövzularından biri olaraq qalır.

Livan Prezidenti Cozef Aun ordu komandanı Rudolf Haykal ilə ölkənin təhlükəsizlik gündəmini müzakirə edib. Görüşdə ABŞ-nin vasitəçiliyi ilə Livan və İsrail arasında imzalanmış çərçivə sazişinin icrası fonunda ordunun qarşıdakı vəzifələri diqqət mərkəzində olub. Rudolf Heykal Prezidentə Türkiyə və Böyük Britaniyaya etdiyi səfərlərin nəticələri barədə məlumat verib. Tərəflər ölkədəki təhlükəsizlik vəziyyətini və ordunun gələcək missiyalarını nəzərdən keçiriblər. Saziş İsrail ordusunun Livan ərazilərindən mərhələli şəkildə çıxmasını nəzərdə tutur. Lakin bunun üçün konkret tarix müəyyən edilməyib. Prezident Cozef Aun Livan ordusunun ölkədə sabitliyin qorunmasındakı rolunu yüksək qiymətləndirib.

Livan Prezidenti Cozef Aun ABŞ Mərkəzi Komandanlığının rəhbəri admiral Bred Kuper ilə Beyrutda görüş keçirib. Tərəflər Vaşinqtonda əldə olunmuş çərçivə sazişinin icrasına hazırlıq məsələlərini müzakirə ediblər. Cozef Aun ABŞ Prezidenti Donald Trampın Livana göstərdiyi dəstəyə görə təşəkkürünü ifadə edib. O, Livan dövlətinin ölkənin cənub sərhədlərinə qədər öz səlahiyyətlərini bərpa etməkdə qərarlı olduğunu bildirib. Görüşdə təhlükəsizlik və sabitliyin təmin olunması ilə bağlı məsələlər də diqqət mərkəzində olub. Bununla yanaşı, "Hizbullah"ın silahsızlaşdırılması ilə bağlı suallar hələ də açıq qalır. İsrail qoşunlarının çıxarılması prosesinin bu məsələlərlə əlaqələndirildiyi bildirilir.

Livan Prezidenti Cozef Aun BƏƏ Prezidenti Məhəmməd bin Zayed Al Nəhyan ilə telefon danışığında ölkədəki vəziyyəti və İsrail ilə imzalanmış çərçivə sazişini müzakirə edib. Məlumata görə, BƏƏ lideri Livan hökumətinin mövqeyini dəstəklədiyini və ölkəyə siyasi, iqtisadi və sosial yardım göstərməyə hazır olduğunu bildirib. Livan prezidenti isə göstərilən dəstəyə görə təşəkkür edib. Vaşinqtonda aparılan beşinci danışıqlar raundundan sonra İsrail və Livan arasında çərçivə sazişinin imzalandığı açıqlanıb. Bu razılaşma regionda diplomatik proseslərin yeni mərhələsi kimi qiymətləndirilir. Tərəflər arasında əlaqələrin davam etdiriləcəyi bildirilir. Beynəlxalq vasitəçilərin prosesdə rolunun artdığı qeyd olunur. Regionda vəziyyət diqqətlə izlənilir.

Livan Prezidenti Cozef Aun Fransa və İtaliyanın BMT-nin Livandakı Müvəqqəti Qüvvələrinin fəaliyyətindən sonrakı dövr üçün irəli sürdüyü beynəlxalq təşəbbüsü alqışlayıb. Prezident bu addımı Livanın suverenliyi və sabitliyinə beynəlxalq dəstəyin mühüm göstəricisi kimi qiymətləndirib. O bildirib ki, təşəbbüs Livan Silahlı Qüvvələrinin ölkədə təhlükəsizliyin təmin edilməsində və dövlət hakimiyyətinin bütün ərazilərə yayılmasında oynadığı rola verilən dəyəri nümayiş etdirir. Xüsusilə cənub sərhəd bölgələrində təhlükəsizliyin möhkəmləndirilməsi təşəbbüsün əsas istiqamətlərindən biri hesab olunur. Cozef Aun vurğulayıb ki, Livanın rəsmi mövqeyinə əsasən, ölkənin cənubunda təhlükəsizliyə yalnız Livan ordusu cavabdeh olmalıdır. Fransa və İtaliyanın təşəbbüsü bu yanaşma ilə uyğunluq təşkil edir. Son dövrlərdə Livanda təhlükəsizlik məsələləri beynəlxalq gündəmin əsas mövzularından biri olaraq qalır. Yeni təşəbbüsün ölkədə sabitliyin möhkəmləndirilməsinə töhfə verəcəyi gözlənilir.