BAKI,VOA Yusif Şərifzadə
ABŞ Energetika naziri Kris Rayt bildirib ki, gələcəkdə Yaxın Şərqdə boru kəmərləri imkanlarının genişlənməsi ilə Səudiyyə Ərəbistanı, BƏƏ və digər ölkələr vasitəsilə enerji ixracı artacaq və bunun nəticəsində Hörmüz boğazının qlobal neft və qaz daşımalarındakı əhəmiyyəti azalacaq.
VOA xəbər verir ki, Rayt CNBC-yə açıqlamasında deyib: “Enerjinin körfəzdən çıxması üçün başqa marşrutlar olacaq.”
O əlavə edib ki, “Hörmüz boğazının əhəmiyyəti azalacaq, amma həmin ölkələrin enerji istehsalının və qlobal təchizatdakı rolunun əhəmiyyəti azalmayacaq.”
Nazirin sözlərinə görə, region ölkələri ABŞ-ın mühüm müttəfiqləridir və dünya enerji bazarının əsas təchizatçıları olaraq qalırlar: “Biz həmin regionda rifahın, sülhün və iqtisadi artımın bərpasını görməliyik.”