BAKI,VOA
İsrailin "Walla" xəbər portalı ölkə ordusundakı yüksək rütbəli mənbəyə istinadən xəbər verir ki, Livanın cənubunda həyata keçirilən hərbi əməliyyatlar dayandırılmayacaq.
VOA xəbər verir ki, mənbənin bildirdiyinə görə, İsrail ordusunun əməliyyatları qarşıya qoyulmuş strateji hədəflərə çatana qədər davam etdiriləcək. Bu hədəflər aşağıdakı iki əsas bənddən ibarətdir:
Uzunmüddətli təhlükəsizlik razılaşmasının əldə olunması;
Livanın cənubunun silahlardan tamamilə təmizlənməsinin təmin edilməsi.
İsrail rəsmisi vurğulayıb ki, ordu yalnız bu şərtlər yerinə yetirildikdən və bölgədəki təhlükəsizlik arxitekturası uzunmüddətli dövr üçün möhkəmləndikdən sonra əməliyyatların dayandırılmasını nəzərdən keçirə bilər.