BAKI,VOA, Fərid Mikayılov
İsrail ordusunun atəşkəs rejiminə baxmayaraq Livanın cənubunda yerləşən səhiyyə mərkəzinə hava zərbəsi endirdiyi bildirilib.
VOA xəbər verir ki, İsrail hərbi təyyarələri Sur şəhərinə bağlı Marub qəsəbəsini hava hücumuna məruz qoyub. Hücum nəticəsində yaralananların olduğu qeyd edilir.
Bununla yanaşı, İsrail ordusunun Sur bölgəsinə bağlı Deyr Kanun ən-Nəhr qəsəbəsində yerləşən səhiyyə mərkəzini də hədəf aldığı bildirilib.
Məlumata əsasən, hücum ABŞ-də İsrail və Livan hərbi nümayəndə heyətləri arasında keçirilməsi planlaşdırılan təhlükəsizlik görüşləri ərəfəsində baş verib.
Qeyd edək ki, İsrail ordusu martın 2-dən etibarən Livana qarşı genişmiqyaslı hava hücumlarına başlayıb və ölkənin cənubundakı bir sıra yaşayış məntəqələrinə zərbələr endirib.
Livan hökuməti həmin dövrdə bir milyondan çox insanın öz evini tərk etmək məcburiyyətində qaldığını açıqlamışdı.