BAKI,VOA Nailə Babazadə
Livan Səhiyyə Nazirliyinin təqdim etdiyi son rəsmi məlumatlara görə, İsrail ordusunun 2 mart tarixindən bəri davam edən intensiv hücumları nəticəsində ölənlərin sayı 2 min 534 nəfərə çatıb, yaralıların sayı isə 7 min 863-ə yüksəlib.
VOA xəbər verir ki, hücumlar nəticəsində ölkənin səhiyyə infrastrukturuna da ciddi ziyan dəyib; belə ki, 16 xəstəxana zərər görüb və 100 tibb işçisi həyatını itirib.
İsrailin Livanın cənubundakı bir çox məntəqəni işğal etməsi və hava zərbələri endirməsi nəticəsində 1 milyondan çox insan didərgin düşüb. ABŞ Prezidenti Donald Trampın vasitəçiliyi ilə 17 apreldə qüvvəyə minən müvəqqəti atəşkəsin müddəti daha 3 həftə uzadılsa da, yerli mənbələr İsrailin hücumlarının və Hizbullahın buna verdiyi cavabların davam etdiyini bildirir. Bu vəziyyət bölgədəki humanitar böhranı daha da dərinləşdirir.