BAKI, VOA, Nailə Babazadə

İsrailin paytaxt Beyrutun cənubundakı Dahiyə bölgəsi və Livanın cənubundakı müxtəlif məntəqələrə təşkil etdiyi hava hücumlarında 11 nəfərin yaralandığı bildirilib.

VOA xəbər verir ki,Livanın rəsmi xəbər agentliyi NNA-nın məlumatına görə, İsrail qüvvələri cənubdakı Ayta əş-Şab qəsəbəsinin kənarlarına doğru irəliləyərkən, həm qəsəbəyə, həm də onun ətrafına intensiv hava zərbələri endirib.

Xəbərdə qeyd olunur ki, İsrailin Bint Cubeyl bölgəsinə tabe olan Şakra qəsəbəsinə hücumu nəticəsində 7 nəfər, cənubdakı Sirifa qəsəbəsinin bombardman edilməsi zamanı isə 4 nəfər yaralanıb. Bundan əlavə, Cəbəl Livan vilayətinin Aramun bölgəsində bir yaşayış binasının hədəf alınması nəticəsində efiopiyalı bir qadının xəsarət aldığı qeyd edilib.

Digər tərəfdən, İsrail döyüş təyyarələri Beyrutun Dahiyə bölgəsində yerləşən Haret Hureyk və ətraf məhəllələrə iki hava zərbəsi endirib. İsrailin həmçinin Tayyibə, Məcadil, Zebkin, Yater, Kana, Ayn Baal və Deyr Kifa daxil olmaqla Livanın cənubundakı bir çox yaşayış məntəqəsini hədəf aldığı, lakin bu hücumların nəticələri barədə hələlik ətraflı məlumatın olmadığı bildirilib.