BAKI, AzerVoice, Nailə Babazadə

İsrailin hücumları və blokadası nəticəsində aclıq yaşanan Qəzza zolağında son 24 saatda 2-si uşaq olmaqla 5 fələstinlinin daha aclıqdan həyatını itirdiyi, ümumi sayın 263-ə yüksəldiyi bildirilib.

AzerVoice xəbər verir ki,Qəzzə Səhiyyə Nazirliyinin Baş direktoru Munir əl-Burş verdiyi açıqlamada bölgədə aclıq səbəbilə həyatını itirənlərlə bağlı məlumat verib.

Burş bildirib ki, İsrailin blokadası və hücumları altındakı Qəzzəyə qarşı tətbiq etdiyi aclıq siyasəti can almağa davam edir. Son 24 saatda 2-si uşaq olmaqla 5 fələstinli aclıq və qidalanma çatışmazlığı səbəbindən həyatını itirib.

Burşun sözlərinə görə, 7 oktyabr 2023-cü ildən bəri Qəzzədə 112-si uşaq olmaqla 263 nəfər aclıqdan ölüb.

İsrailin hücumları və insani yardım girişini ciddi şəkildə məhdudlaşdıran blokadası altındakı Qəzza zolağı, aclığın geniş yayıldığı, su, dərman, tibbi ləvazimat və gigiyenik vasitələrin olmadığı böyük bir humanitar fəlakət yaşayır.

Xüsusilə uşaqlar başda olmaqla Qəzzədə aclıq səbəbilə ölüm halları sürətlə artır. Yerli və beynəlxalq təşkilatlar bildirirlər ki, İsrail aclıq və susuzluğu “silah” kimi istifadə edir.

İsrail ordusu, sivil infrastrukturu dağıdaraq Qəzzənin 88 faizini viran qoyub, sürgün əmrləri ilə yerindən etdiyi fələstinliləri yaşadıqları müvəqqəti bölgələrdə də tez-tez hədəf alır.

Təxminən 2,3 milyon əhalisi olan Qəzzədə, İsrailin hücumları və zorla köçürmə əmrləri ilə 2 milyonadək insan yerindən edilib, bir çox insan dəfələrlə köçməyə məcbur qalıb.

Ən əsas ehtiyaclardan məhrum vəziyyətdə yerindən edilən fələstinlilər, uçuq-sökük çadırlarda, ya da çox sıxlıq olan, gigiyena vasitələrinin çatışmadığı, sanitar qovşaqların belə yetərli olmadığı, yoluxucu xəstəliklərin yayıldığı məktəblərdə yaşamağa çalışırlar.

Bütün bunlara baxmayaraq, İsrail ordusu hər gün keçirdiyi hücumlarla bu insanların yaşadığı çadırları və sivil obyektləri bombalamağa davam edir.