BAKI, AzerVoice

İsrail Tehranın nüvə proqramı problemini sülh yolu ilə həll etmək üçün İrana şans vermişdi.

AzerVoice-un məlumatına görə, bu barədə İsrailin Baş naziri Benyamin Netanyahu bildirib.

“Biz buna (danışıqlara - red.) şans verdik – 60 gün. Və həmin müddətdə, onlar (iranlılar - red.) amerikalılarla danışıqlar apardığı vaxtda, İranın ali lideri Ayətullah Seyid Əli Xamenei – İranın diktatoru – bizə bildirdi ki, İsrail məhv ediləcək. Biz hər şeyi anladıq. Biz nəticə görmək istəyirik” – deyə, Baş naziri vurğulayıb.

Xatırladaq ki, İsral Hərbi Hava Qüvvələri iyunun 13-də İran ərazisinə hava zərbələri endiriblər. Zərbələr nəticəsində çoxlu sayda yüksək səviyyəli hərbçi, o cümlədən İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb. İran BMT Təhlükəsizlik Şurasının hadisə ilə əlaqədar fövqəladə iclas keçirməsini istəyib.