BAKI, AzerVoice
Türkiyənin İnsani Yardım Vəqfi (İHH), bu il Qurban Bayramı fəaliyyətləri çərçivəsində vəkalətini aldığı 112 min 207 paylıq qurbanı, Türkiyə də daxil olmaqla 60 ölkədə ehtiyac sahiblərinə çatdırıb.
Bu barədə AzerVoice-a İHH-dən məlumat verilib.
Məlumata görə, vəqf, eyni zamanda, donorların dəstəyi ilə 15 ölkədə 41 min 601 yetim və ehtiyac sahibi uşağa bayramlıq paltarlar hədiyyə edib.
İHH, Türkiyədə 3 min 544 paylıq qurban kəsərək ehtiyac sahiblərinə çatdırıb. Paylanmalardan ümumilikdə 142 min nəfər yararlanıb. Vəqf, Türkiyədə 8 min 801 uşağa da bayramlıq paltarlar hədiyyə edib.
Vəqf, Fələstin və Qəzzaya göndərilmək üzrə vəkalətini aldığı 54 min 232 paylıq qurbanı kəsib. İsrailin işğal və qətliamları səbəbilə ağır şərtlərin hökm sürdüyü Fələstində, qurbanların böyük hissəsi ölkə xaricində kəsilərək konservləşdirilib Qəzzaya göndəriləcək. Qəzzada planlaşdırılan paylanmalarla birlikdə İHH, bu il Qurban Bayramı fəaliyyətləri çərçivəsində 4,5 milyondan çox insana qurban əti çatdırmış olacaq.
Bundan əlavə, İHH, Yəmən, Arakan və Sudanda da qurban fəaliyyətləri həyata keçirib. Vəqf, Sudanda 4 min 46, Yəməndə 2 min 770, Arakanda isə 2 min 625 paylıq qurban kəsib. Paylanmalardan 370 mindən çox insan yararlanıb.
İHH, Türkiyədəki bayramlıq fəaliyyətləri ilə yanaşı, 14 ölkədə də yetim və ehtiyac sahibi uşaqlara bayramlıq paltarlar hədiyyə edib. Bayramlıq Türkiyə, Əfqanıstan, Arakan, Azərbaycan, Albaniya, Burkina Faso, Çad, İndoneziya, Fələstin, Livan, Mali, Suriya, Tunis, Toqo və Yəməndə paylanılıb.
Türkiyə və Şimali Kipr Türk Respublikası ilə yanaşı, qitələr və bölgələr üzrə İHH-nin qurban kəsdiyi ölkələr bunlardır:
- Yaxın Şərqdə: Fələstin, İraq, İran, Livan, Misir, Suriya, İordaniya, Yəmən
- Balkan yarımadası və Avropada: Albaniya, Bosniya və Herseqovina, Monteneqro, Kosovo, Şimali Makedoniya, Rumıniya, Serbiya (Sancak və Preşova), Ukrayna
- Qafqaz və Orta Asiyada: Əfqanıstan, Azərbaycan, Gürcüstan, Qazaxıstan, Qırğızıstan, Monqolustan, Tacikistan
- Afrikada: Benin, Burkina Faso, Burundi, Cibuti, Çad, Mərkəzi Afrika Respublikası, Efiopiya, Fil Dişi Sahili, Qana, Qvineya, Cənubi Afrika, Keniya, Malavi, Mali, Mavritaniya, Niger, Seneqal, Sierra Leone, Somali, Sudan, Tanzaniya, Toqo, Uqanda, Zambiya, Zimbabve
- Cənubi Asiyada: Banqladeş, İndoneziya, Filippin (Banqsamoro), Hindistan, Kamboca, Myanma (Arakan), Nepal, Pakistan, Şri- Lanka, Tailand (Patani) və Vyetnam.
Qeyd edək ki, İHH İnsani Yardım Vəqfi, ötən il Qurban Bayramı fəaliyyəti çərçivəsində vəkalətini aldığı 102 min 266 paylıq qurbanı Türkiyə də daxil olmaqla 66 ölkədə ehtiyac sahiblərinə çatdırmışdı. Vəqf, eyni zamanda, 16 ölkədə 42 min 245 yetim və ehtiyac sahibi uşağa da bayramlıq paltarlar hədiyyə etmişdi.
