Mavritaniyalı diplomat İsmail Vələd Şeyx Əhməd 30 ildən çox müddəti BMT strukturlarında və böhran ocaqlarında keçirdikdən sonra 57 üzv dövləti birləşdirən İslam Əməkdaşlıq Təşkilatının (İƏT) rəhbərliyinə gəlir. O, xarici işlər nazirlərinin cümə axşamı keçirilən səsverməsi ilə səlahiyyət müddəti bu ilin noyabrında başa çatan Çad nümayəndəsi Hüseyn İbrahim Tahanın xələfi seçilib.

İslam Əməkdaşlıq Təşkilatına (İƏT) üzv 57 dövlətin xarici işlər nazirləri cümə axşamı Mavritaniya diplomatı İsmail Vələd Şeyx Əhmədi təşkilatın yeni baş katibi seçiblər. Xarici İşlər Nazirləri Şurası qarşısındakı ilk çıxışında Vələd Şeyx Əhməd bildirib: "Bugünkü seçiminiz mənim peşəkar karyeramdakı ən böyük vəzifə və beynəlxalq, regional və milli xidmətdə keçirdiyim 3 onillikdən artıq dövrdən sonra qazandığım ən yüksək mükafatdır".

Səudiyyə Ərəbistanının xarici işlər naziri şahzadə Feysəl bin Fərhan cümə axşamı günü İslam Əməkdaşlıq Təşkilatının (İƏT) Xarici İşlər Nazirləri Şurasının iclası zamanı regionun üzləşdiyi çağırışlar fonunda İslam həmrəyliyinin zəruriliyini vurğulayıb.

Beynəlxalq Atom Enerjisi Agentliyinin (MAQATE) baş direktoru Rafael Qrossi ABŞ və İsrailin hücumlarından sonra İranın zərər görmüş nüvə obyektlərini yenidən qurmağa başladığını təsdiqləyən əsaslı sübutların olmadığını bildirib. MAQATE rəhbəri İranın təxminən 440 kiloqram yüksək zənginləşdirilmiş uran ehtiyatının ötən il baş vermiş 12 günlük müharibə zamanı olduğu yerdə qaldığını bildirib.

ABŞ Mərkəzi Kəşfiyyat İdarəsinin (CIA) direktoru Con Retkliffin Moskvaya gizli səfəri Vaşinqtonun Rusiya ilə bağlı narahatlığını və mümkün risklərə qarşı diplomatik kanalları işə saldığını göstərib. ABŞ mətbuatının yazdığına görə, Retkliff səfər zamanı Rusiya rəsmilərinə Moskvanın NATO üzvü ölkələrdən hər hansı birinə mümkün hücumu ilə bağlı xəbərdarlıq edib. “The Wall Street Journal” və CBS News-un məlumatlarına əsasən, ABŞ kəşfiyyatı Rusiyanın qarşıdakı illərdə NATO-nun birliyini məhdudmiqyaslı hücumla sınağa çəkə biləcəyini ehtimal edir.

Azərbaycan XİN Rusiyadakı insidentlə bağlı bəyanat yaydı

Suriyada YPG/SDQ-nin silahlı qüvvələrini ləğv edərək Suriya ordusuna inteqrasiya qərarı İsrail mətbuatında Türkiyə üçün böyük diplomatik və hərbi uğur kimi qiymətləndirilib. İsrailin “Maariv” qəzetində yayımlanan təhlildə Prezident Rəcəb Tayyib Ərdoğanın Suriya istiqamətində həyata keçirdiyi siyasətin Ankara üçün mühüm nəticələr doğurduğu bildirilib. Təhlildə YPG/SDQ-nin muxtariyyət iddialarından geri çəkilərək silahlı qüvvələrinin Suriya ordusuna daxil edilməsinə razılaşması Türkiyənin bölgədəki təsirinin göstəricisi kimi təqdim olunub.

Prezident İlham Əliyev “Sabah” futbol klubuna maliyyə dəstəyi göstərilməsi haqqında Sərəncam imzalayıb.

Ər-Riyad Şəhəri üzrə Kral Komissiyası (RCRC) paytaxtı texnologiya istedadları, rəqəmsal yaradıcılıq və sahibkarlıq üzrə qlobal mərkəzə çevirmək məqsədi daşıyan strateji təşəbbüs - "Ər-Riyad Rəqəmsal Bölgəsi" layihəsinin işə salındığını elan edib.

Suriya Prezidenti Əhməd əş-Şaraa Dəməşqdə restoranda hesabı “Visa” kartı ilə ödəyərək ölkədə beynəlxalq kart sisteminin fəaliyyətinin bərpa olunduğunu simvolik şəkildə nümayiş etdirib. Hadisə uzun illər beynəlxalq sanksiyalar altında qalan Suriyanın qlobal maliyyə sisteminə yenidən inteqrasiyası istiqamətində mühüm addım kimi təqdim olunur.

Qətər Dövləti ərzaq təhlükəsizliyinin qorunmasının və ərzaq çatışmazlığına qarşı həssas olan ölkələrin dayanıqlığının gücləndirilməsinin vacibliyini bəyan edib. Bu barədə Qətərin BMT-dəki daimi nümayəndəsi Şeyxa Alya Əhməd bin Seyf əl-Sani BMT-nin Nyu-Yorkdakı mənzil-qərargahında "Beynəlxalq sülh və təhlükəsizliyin qorunması" gündəliyi çərçivəsində keçirilən "Atəş altında ərzaq: Qlobal və yerli ərzaq böhranlarının yumşaldılmasında Təhlükəsizlik Şurasının rolu" adlı açıq debatda çıxışı zamanı bildirib.

Ceyhun Bayramov Etienn Berxtoldu qəbul edib

İsrailin keçmiş müdafiə naziri və “Bizim Evimiz İsrail” partiyasının lideri Aviqdor Liberman Baş nazir Benyamin Netanyahunu Qəzza müharibəsi zamanı HƏMAS-la gizli əlaqələr saxlamaqda ittiham edib. Libermanın sözlərinə görə, Netanyahu 2014-cü ildə Qəzza müharibəsi zamanı HƏMAS rəhbərliyi ilə təhlükəsizlik və hərbi rəhbərliyin məlumatı olmadan əlaqə yaradıb. O, baş nazirin Yəhya Sinvarla da yazışdığını iddia edib.

İordaniyanın paytaxtı Əmmanda Suriya və İsrail nümayəndə heyətləri arasında keçirilən son görüş iki ölkə arasında təhlükəsizlik razılaşmasının əldə olunması ehtimalını yenidən gündəmə gətirib. Görüşdə Suriyanın cənubundakı vəziyyət və avqustun 22-də İsrailin Əbu Zühur hərbi hava limanına endirdiyi zərbə müzakirə olunub. Suriya nümayəndə heyətinə xarici işlər naziri Əsəd əş-Şeybani rəhbərlik edib. İsrail tərəfdən isə Mossad rəhbəri Roman Qofman nümayəndə heyətinə başçılıq edib.

İsrail qüvvələri Suriyanın cənub-qərbində yerləşən Kuneytra vilayətində evə basqın edib, Livanın cənubunda isə atəşkəsə baxmayaraq hava və artilleriya zərbələri endirib. İsrail əsgərlərinin Kuneytranın şimal kəndlərindən Terencə daxil olaraq bir evdə axtarış apardığı bildirilir. Suriya dövlət televiziyasının məlumatına görə, basqın zamanı saxlanılan şəxslərlə bağlı əlavə məlumat verilməyib.

İranın Atom Enerjisi Təşkilatının rəhbəri Məhəmməd Eslami ölkəsinin nüvə sənayesinin ABŞ sanksiyalarına və hərbi zərbələrə baxmayaraq inkişafını davam etdirdiyini bildirib. Onun sözlərinə görə, İran bu sahədə dünyanın qabaqcıl ölkələri ilə eyni səviyyədə irəliləyir.

ABŞ Prezidenti Donald Tramp ölkənin enerji sisteminin təhlükəsizliyinin qorunması məqsədilə fövqəladə vəziyyət elan edib. Bununla bağlı müvafiq fərman Ağ Evin rəsmi saytında dərc olunub. Fərmanda qeyd olunur ki, təhlükə həm ayrı-ayrı əməliyyatlar, həm də müəyyən kateqoriyaya daxil olan sövdələşmələr çərçivəsində yarana bilər. Buna görə ABŞ-də istifadə olunan enerji sistemi avadanlıqlarının təhlükəsizliyini, bütövlüyünü və etibarlılığını qorumaq üçün əlavə tədbirlərin görülməsinin zəruri olduğu vurğulanır.

Rusiyanın elektron ticarət şirkəti “Ozon”un Orenburq və Ufa şəhərlərində yerləşən iki logistika mərkəzi pilotsuz uçuş aparatlarının hücumuna məruz qalıb. Hadisə avqustun 27-nə keçən gecə baş verib. Ufadakı logistika mərkəzinə isə cüzi ziyan dəyib. Təhlükəsizlik baxımından ərazinin ətraflı yoxlanılması məqsədilə mərkəzin fəaliyyəti müvəqqəti dayandırılıb.

Azərbaycan Respublikasının Prezidenti İlham Əliyev Moldova Respublikasının Prezidenti Maya Sanduya təbrik məktubu ünvanlayıb.

Dünyanın idarə olunan aktivlərin həcminə görə ən böyük suveren fondu olan Norveç Suveren Sərvət Fondu 2026-cı ilin birinci yarısının sonuna qədər Küveyt aktivlərinə təxminən 677.6 milyon dollar sərmayə qoyub. Bu rəqəm fondun iyunun sonunda 22.68 trilyon Norveç kronuna (təxminən 2.2 trilyon dollar) çatan ümumi portfelinin kiçik bir hissəsini təşkil etsə də, Küveyt bazarında qalması qlobal investorların ölkənin potensialına olan marağının göstəricisi hesab olunur.

Türkiyə Prezidenti Rəcəb Tayyib Ərdoğan İstanbul Texniki Universitetinin rektorluğuna bağlı akademik bölmələrin Azərbaycan Respublikasının Qarabağ Universitetinin nəzdində açılması ilə bağlı qərar imzalayıb. Qərar İstanbul Texniki Universitetinin rektorluğuna bağlı akademik bölmələrin Azərbaycanın Qarabağ Universitetinin nəzdində yaradılmasını nəzərdə tutur. Türkiyənin avqustun 27-də dərc olunan rəsmi qərarlar siyahısında da 11647 nömrəli sənəd məhz bu adla yer alıb.

İ.M.Seçenov adına Birinci Moskva Dövlət Tibb Universitetinin rektoru, Rusiya Elmlər Akademiyasının akademiki, professor Pyotr Qlıboçko Azərbaycanın Birinci vitse-prezidenti Mehriban Əliyevaya ad günü münasibətilə təbrik məktubu göndərib.

İran Prezidenti Məsud Pezeşkian müsəlman ölkələrini regional təhlükəsizliyin qorunmasında qarşılıqlı məsuliyyət nümayiş etdirməyə çağırıb. O bildirib ki, heç bir müsəlman ölkəsinin ərazisindən digər müsəlman dövlətinə qarşı hücum məqsədilə istifadə edilməməlidir.

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Tani bu gün Tehrana səfər edəcək. Səfərin əsas məqsədi regionda gərginliyin azaldılması və ABŞ ilə İran arasında dialoqun yenidən başlanmasına şərait yaradılmasıdır. Qətər tərəfi hesab edir ki, mövcud fikir ayrılıqlarının aradan qaldırılması, eləcə də regionda təhlükəsizlik və sabitliyin təmin edilməsi üçün diplomatik yol əsas vasitə olmalıdır.