BAKI,VOA,Yusif Şərifzadə
İran xarici işlər nazirinin müavini Kazım Qəribabadi ABŞ ilə imzalanmış anlaşma memorandumunun (MoU) mümkün pozuntularının müzakirəsi və qeydə alınması üçün xüsusi əlaqə kanalının yaradılacağını bildirib.
VOA xəbər verir ki, İranın rəsmi IRNA agentliyinin yaydığı məlumata görə, Kazım Qəribabadi bu açıqlamanı Qətər vasitəçiləri ilə keçirdiyi görüşdən sonra verib.
Onun sözlərinə görə, yaradılacaq əlaqə kanalı memorandumun müddəalarının icrası zamanı baş verə biləcək pozuntuların operativ şəkildə müzakirə olunmasına və müvafiq məlumat mübadiləsinin aparılmasına xidmət edəcək.
Qəribabadi, həmçinin bildirib ki, İranın dondurulmuş 6 milyard ABŞ dolları həcmində vəsaitinin bir hissəsi Tehranın ehtiyac duyduğu malların alınmasına yönəldiləcək.